پہلے شدید تنقید اور اب تعریفیں، میرا کا ماہرہ سے متعلق یوٹرن

کراچی: ایک وقت تھا جب اداکارہ میرا کو ماہرہ خان ایک آنکھ نہیں بھاتی تھیں اور اب ایسا وقت آگیا ہے کہ وہ ان کی تعریفوں کے پل باندھتے نہیں تھکتیں۔

زیادہ پرانا وقت نہیں جب اداکارہ میرا ماہرہ خان کو تنقید کا نشانہ بنانے کا کوئی موقع نہیں چھوڑتی تھیں، میرا نے ماہرہ خان پر تنقید کے خوب نشتر برسائے کبھی وہ ماہرہ کی ناک کو نشانہ بناتیں تو کبھی وہ انہیں اپنے سامنے کسی قابل ہی نہ سمجھتیں، ایک وقت وہ بھی آیا جب میرا نے ماہرہ کی مقبولیت کو ان کی بہترین پبلسٹی ٹیم کا کارنامہ قرار دیا لیکن اب شائد انہیں حقیقت معلوم ہوگئی ہے یا پھر انہوں نے بھی حالات کو دیکھتے ہوئے یو ٹرن لے لیا ہے۔

اس خبرکوبھی پڑھیں: میرا کا ڈیم فنڈ میں 25 ہزار روپے دینے کا اعلان

حال ہی میں اداکارہ ماہرہ خان نے بطور اقوام متحدہ کی خیر سگالی سفیر افغان مہاجرین کے کیمپ کا دورہ کیا تھا، ماہرہ خان کے اس نیک کام کو جہاں دیگر افراد نے سراہا وہیں اداکارہ میرا بھی ان کی تعریف کیے بغیر نہ رہ سکیں۔

اداکارہ میرا نے ٹوئٹ کرتے ہوئے کہا ’’دنیا میں ایک ہی خاتون ہے جس نے مجھے بے حد متاثر کیا اور وہ ہے انجلینا جولی، ان کا کہنا ہے جب آپ مشہور ہوجاتے ہیں تو آپ پرمعاشرے کو وہ سب واپس لوٹانے کی ذمہ داری عائد ہوجاتی ہے جو معاشرے نےآپ کو دیا، ورنہ اس شہرت کا کوئی فائدہ نہیں۔ میں ماہرہ خان اور آمنہ شیخ کے افغان مہاجرین کے لیے کیے گئے اقدامات کو بے حد سراہتی ہوں۔‘‘

One of the women I admire Angelina Jolie said that when one has fame,one also has a responsibility to give back to society otherwise that fame is considered vulgar. I applaud #MahiraKhan and #AaminaSheikh for their initiatives working with Afghan cntd .

— Meera (@TheMeeraJee) September 9, 2018