- ملک کے ساتھ بہت تماشا ہوگیا، اب نہیں ہونے دیں گے، فیصل واوڈا
- اگر حق نہ دیا تو حکومت گرا کر اسلام آباد پر قبضہ کرلیں گے، علی امین گنڈاپور
- ڈالر کی انٹر بینک قیمت میں اضافہ، اوپن مارکیٹ میں قدر گھٹ گئی
- قومی اسمبلی: خواتین ارکان پر نازیبا جملے کسنے کیخلاف مذمتی قرارداد منظور
- پاکستان نے انسانی حقوق سے متعلق امریکی ’متعصبانہ‘ رپورٹ کو مسترد کردیا
- جب سے چیف جسٹس بنا کسی جج نے مداخلت کی شکایت نہیں کی، قاضی فائز عیسیٰ
- چوتھا ٹی ٹوئنٹی: پاکستان کا نیوزی لینڈ کے خلاف ٹاس جیت کر فیلڈنگ کا فیصلہ
- سائفر کیس؛ مقدمہ درج ہوا تو سائفر دیگر لوگوں نے بھی واپس نہیں کیا تھا، اسلام آباد ہائیکورٹ
- ضلع خیبرمیں سیکیورٹی فورسز کی کارروائی میں تین دہشت گرد ہلاک، دو ٹھکانے تباہ
- عمران خان کی سعودی عرب سے متعلق بیان پر شیر افضل مروت کی سرزنش
- چین: ماڈلنگ کی دنیا میں قدم رکھنے والا 88 سالہ شہری
- یوٹیوب اپ ڈیٹ سے صارفین مسائل کا شکار
- بدلتا موسم مزدوروں میں ذہنی صحت کے مسائل کا سبب قرار
- چیف جسٹس قاضی فائزعیسیٰ نے پروٹوکول واپس کردیا، صرف دو گاڑیاں رہ گئیں
- غزہ کی اجتماعی قبروں میں فلسطینیوں کو زندہ دفن کرنے کا انکشاف
- اسمگلنگ کا قلع قمع کرکے خطے کو امن کا گہوارہ بنائیں گے ، شہباز شریف
- پاکستان میں دراندازی کیلیے طالبان نے مکمل مدد فراہم کی، گرفتار افغان دہشتگرد کا انکشاف
- سعودی دارالحکومت ریاض میں پہلا شراب خانہ کھول دیا گیا
- موٹر وے پولیس اہل کار کو ٹکر مارنے والی خاتون جوڈیشل ریمانڈ پر جیل روانہ
- کراچی میں رینجرز ہیڈ کوارٹرز سمیت تمام عمارتوں کے باہر سے رکاوٹیں ہٹانے کا حکم
سابق کرکٹرز پر مشتمل کرکٹ کمیٹی بنانے کا فیصلہ
پی سی بی نے سابق کرکٹرز پر مشتمل کرکٹ کمیٹی بنانے کا فیصلہ کر لیا۔
چیئرمین احسان مانی نے لاہور میں نمائندہ ’’ایکسپریس‘‘ کو خصوصی انٹرویو میں بتایا کہ مذکورہ کمیٹی ہی کھیل سے متعلق امور سنبھالے گی،البتہ ارکان کے نام ابھی ظاہر نہیں کیے جا سکتے،انھوں نے اپنے لیے مشیروں کے تقرر کو خارج از امکان قرار دیا۔
چیئرمین کے مطابق بورڈ میں2،3 ماہ میں تبدیلیوں کا آغاز اور رائٹ سائزنگ ہو گی، چیف ایگزیکٹیو آفیسر کا تقرر کیا جائے گا، بورڈ کے آئین میں بھی تبدیلی ضروری ہے۔تفصیلات کے مطابق چیئرمین پی سی بی احسان مانی کا کہنا ہے کہ ہم نے سابق کرکٹرز پر مشتمل کرکٹ کمیٹی بنانے کا فیصلہ کر لیا ہے، اس حوالے سے مشاورت شروع ہوچکی ، میں کسی کا نام نہیں لوں گا مگر جس کے بارے میں بھی ایسا محسوس ہوا کہ وہ ملکی کرکٹ کی بہتری کیلیے کچھ کر سکتا ہے اسے کمیٹی میں شامل کر لیں گے۔
سابق کھلاڑی کھیل کی باریکیاں سمجھتے ہیں اور وہی اس حوالے سے معاملات سنبھالیں گے۔انھوں نے کہا کہ میرا اپنے لیے مشیر رکھنے کا کوئی ارادہ نہیں اور کرکٹ کمیٹی ہی کو ہی مکمل اختیارات حاصل ہوں گے۔
احسان مانی نے کہا کہ میرا تقرر 36 ماہ کے لیے ہوا اور ابھی عہدہ سنبھالنے ایک مہینہ ہی گذرا ہے، ابھی میں معاملات سمجھنے کی کوشش کر رہا ہوں، میرا مقصد پی سی بی کو ایک پروفیشنل ادارہ بنانا ہے جسے پروفیشنل افراد ہی چلائیں گے، میں اپنے لوگوں کی خوبیاں خامیاں دیکھ رہا ہوں،2،3 ماہ میں تبدیلیوں کا آغاز اور بورڈ میں رائٹ سائزنگ بھی ہو گی۔
انھوں نے کہا کہ پی سی بی میں سینئر پوزیشنز پر تقرریوں میں بھی سب کچھ شفاف انداز میں ہوگا، باقاعدہ اشتہار کے ذریعے تقرر کریں گے، پی سی بی میں کچھ برسوں سے مارکیٹنگ کا شعبہ نظرانداز ہوا تھا، ہر ڈپارٹمنٹ کے ساتھ اس کا بھی جائزہ لیا جائے گا، اس حوالے سے ماہرین کی مدد لیں گے۔
احسان مانی نے کہا کہ میں اپنی قریبی شخصیات کو نہیں لاؤں گا بلکہ سب پروفیشنل ہوں گے،اسی کے ساتھ اس وقت چیئرمین ہی سی ای او کے اختیارات رکھتا ہے،جس سے چیک اینڈ بیلنس کا نظام نہیں بن سکا، وہ کسی کو جواب دہ نہیں اور میں یہ سلسلہ ختم کرنا چاہتا ہوں، ہم بورڈ میں چیف ایگزیکٹیو لائیں گے، آئین میں بھی تبدیلی ضروری ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔