- سویلین کا ٹرائل؛ لارجر بینچ کیلیے معاملہ پھر پریکٹس اینڈ پروسیجر کمیٹی کو بھیج دیا گیا
- رائیونڈ؛ سفاک ملزمان کا تین سالہ بچے پر بہیمانہ تشدد، چھری کے وار سے شدید زخمی
- پنجاب؛ بےگھر لوگوں کی ہاؤسنگ اسکیم کیلیے سرکاری زمین کی نشاندہی کرلی گئی
- انٹرنیشنل ہاکی فیڈریشن نے پی ایچ ایف کے دونوں دھڑوں سے رابطہ کرلیا
- بلوچ لاپتہ افراد کیس؛ پتہ چلتا ہے وزیراعظم کے بیان کی کوئی حیثیت نہیں، اسلام آباد ہائیکورٹ
- چوتھا ٹی20؛ رضوان کی پلئینگ الیون میں شرکت مشکوک
- ایرانی صدر کا دورہ اور علاقائی تعاون کی اہمیت
- آئی ایم ایف قسط پیر تک مل جائیگی، جون تک زرمبادلہ ذخائر 10 ارب ڈالر ہوجائینگے، وزیر خزانہ
- حکومت رواں مالی سال کے قرض اہداف حاصل کرنے میں ناکام
- وزیراعظم شہباز شریف کی کراچی آمد، مزار قائد پر حاضری
- شیخ رشید کے بلو رانی والے الفاظ ایف آئی آر میں کہاں ہیں؟ اسلام آباد ہائیکورٹ
- بورڈ کا قابلِ ستائش اقدام؛ بےسہارا و یتیم بچوں کو میچ دیکھانے کی دعوت
- امریکا نے بھارت میں انسانی حقوق کی پامالیوں کو شرمناک قرار دیدیا
- پاکستان کی مکئی کی برآمدات میں غیر معمولی اضافہ
- ایلیٹ فورس کا ہیڈ کانسٹیبل گرفتار، پونے دو کلو چرس برآمد
- لیجنڈز کرکٹ لیگ فکسنگ اسکینڈل کی زد میں آگئی
- انجرڈ رضوان قومی ٹیم کے پریکٹس سیشن میں شامل نہ ہوسکے
- آئی پی ایل، چھوٹی باؤنڈریز نے ریکارڈز کا انبار لگا دیئے
- اسٹاک ایکسچینج؛ ملکی تاریخ میں پہلی بار 72 ہزار پوائنٹس کی سطح عبور
- شاداب کو ٹیم کے اسٹرائیک ریٹ کی فکر ستانے لگی
جنسی ہراسانی الزام؛ اکشے کمار نے ’’ہاؤس فل 4 ‘‘کی شوٹنگ منسوخ کردی
ممبئی: عامر خان اور امیتابھ بچن کے بعد اکشے کمار نے جنسی ہراسانی کے الزام کا سامنا کرنے والے ہدایت کار ساجد خان اور اداکار نانا پاٹیکر کی شمولیت کے بعد فلم ’’ہاؤس فل 4‘‘ کی شوٹنگ منسوخ کردی۔
فلم’’ہاؤس فل4‘‘کے ہدایت کار ساجد خان پرجنسی ہراسانی کے الزامات سامنے آنے کے بعد جہاں پوری بالی ووڈ انڈسٹری دنگ ہے وہیں اداکار اکشے کمار نے ان الزامات کو سنجیدگی سے لیتے ہوئے فلم کی شوٹنگ کینسل کردی ہے۔
اکشے کمار نے ٹوئٹر پر ’’می ٹو‘‘ مہم کی حمایت کرتے ہوئے لکھا کہ ’’میں گزشتہ رات ہی چھٹیوں سے واپس آیا ہوں اور آتے ہی میں نے ساجد خان پر جنسی ہراسانی کے الزامات سے متعلق پڑھا جس نے مجھے بہت پریشان کردیا، میں ’’ہاؤس فل4‘‘ کے پروڈیوسر سے درخواست کرتا ہوں کہ وہ اس وقت تک فلم کی شوٹنگ کینسل کردیں جب تک کہ فلم کے ہدایت کار ساجد خان اور اداکار ناناپاٹیکر پر سے الزامات ختم نہیں ہوجاتے۔ میں کسی بھی ایسے انسان کے ساتھ کام نہیں کرسکتا جو جنسی ہراسانی جیسے واقعات میں ملوث ہو اس کے علاوہ جنسی ہراسانی کے متاثرین کو ہر صورت میں انصاف ملنا چاہیے۔‘‘
فلم ’’ہاؤس فل4‘‘ کی شوٹنگ بڑی حد تک مکمل ہوچکی ہے اور اب اس کا چوتھا مرحلہ شوٹ ہوناباقی تھا تاہم اکشے کمار کی جانب سے شوٹنگ منسوخ کرنے کے بعد پروڈیوسر کو 14 کروڑ روپے کا نقصان اٹھانا پڑے گا۔ ہدایت کار ساجد خان پر اداکارہ سلونی چوپڑا، ریچل وائٹ اور خاتون صحافی کرشمہ نے ہراسانی کے الزامات لگائے ہیں۔
واضح رہے کہ ’’می ٹو‘‘ مہم سامنے آنے کے بعد اداکارہ روینہ ٹنڈن نے اکشے کمار سمیت بالی ووڈ کے دیگر مردوں اور ان کی بیویوں کو تنقید کانشانہ بناتے ہوئے کہا تھا کہ بیشتر اداکاروں کی بیویاں اس وقت خاموش رہتی ہیں جب ان کے شوہر دوسری اداکاراؤں کے ساتھ فلرٹ ختم ہونے کے بعد ان کا کیریئر ختم کردیتے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔