شائقین نے ’ٹھگ آف ہندوستان‘ کو اوسط درجے کی فلم قرار دے دیا

ویب ڈیسک  جمعرات 8 نومبر 2018
 325 کروڑ بجٹ سے بنائی گئی فلم ’ٹھگ آف ہندوستان‘ کو ایک دن میں 50 کروڑ کمانے ہوں گے، بھارتی میڈیا فوٹوفائل

325 کروڑ بجٹ سے بنائی گئی فلم ’ٹھگ آف ہندوستان‘ کو ایک دن میں 50 کروڑ کمانے ہوں گے، بھارتی میڈیا فوٹوفائل

ممبئی: بھارتی تجزیہ نگار ترن آدرش سمیت شائقین نے’ٹھگ آف ہندوستان‘ کو اوسط درجے کی فلم قراردے دیا۔

فلم ’ٹھگ آف ہندوستان‘ آج بھارت سمیت دنیا بھر میں ریلیز کردی گئی ہے۔ ریلیز سے قبل فلم سے متعلق بے شمار دعوے کیے گئے تھے تاہم بھارتی تجزیہ نگار ترن آدرش اور فلمی شائقین نے امیدوں کے برعکس ’ٹھگ آف ہندوستان‘ کو مایوس کن قراردیتے ہوئے اوسط درجے کی فلم قرار دے دیا۔

بھارتی تجزیہ نگار ترن آدرش نے ٹوئٹ کرتے ہوئے کہا ہے کہ ’ہر چمکتی ہوئی چیز سونا نہیں ہوتی، فلم کے پہلے گھنٹے میں شامل کیے گئے سینز اتنے خاص نہیں تھے، فلم کا پلاٹ روایتی فارمولا ٹائپ تھا، اسکرین پلے قدرے بہتر تھا، تاہم فلم کی اوسط درجے کی کارکردگی کے اصل ذمہ دار ہدایت کار ہیں۔‘‘

https://twitter.com/taran_adarsh/status/1060410082377093120

صرف ترن آدرش ہی نہیں فلم دیکھنے والے دیگر شائقین نے بھی ٹوئٹر پر فلم کو مایوس کن قرار دیتے ہوئے کہا کہ عامر خان نے ایسی فلم کیوں کی؟ ایک اور صارف نے لکھا فلم کی کہانی اور کردار بہت ہی کمزور تھے، تایانکی نامی صارف نے لکھا فلم نہایت بورنگ ہے،  اسے دیکھنا پیسے اور وقت کا ضائع کرنا ہے۔

واضح رہے کہ 325 کروڑ کے بجٹ سے بنائی گئی فلم ’ٹھگ آف ہندوستان‘رواں سال کی مہنگی ترین فلم ہے۔ میڈیا رپورٹس کے مطابق فلم کو اپنی لاگت پوری کرنے کے لیے باکس آفس پر ایک دن میں 50 کروڑ کمانے ہوں گے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔