دفتر خارجہ کی چین میں پاکستانی طالبعلم کی ہلاکت کی جعلی ویڈیوز کی تردید

ویب ڈیسک  پير 19 نومبر 2018
سوشل میڈیا پر وائرل وڈیو طالبعلم اسامہ احمد خان کی نہیں، ترجمان دفتر خارجہ فوٹو:فائل

سوشل میڈیا پر وائرل وڈیو طالبعلم اسامہ احمد خان کی نہیں، ترجمان دفتر خارجہ فوٹو:فائل

 اسلام آباد: ترجمان دفتر خارجہ نے چین میں پاکستانی طالبعلم کی ہلاکت پر وضاحتی بیان جاری کرتے ہوئے کہا ہے کہ طالب علم کو قتل نہیں کیا گیا بلکہ اس نے خودکشی کی ہے۔

دفترخارجہ سے جاری ایک بیان میں ترجمان ڈاکٹر محمد فیصل کا کہنا تھا کہ سوشل میڈیا پر وائرل وڈیو طالبعلم اسامہ احمد خان کی نہیں لہذا اس واقعہ پر جعلی خبریں پھیلانے سے گریز کیا جائے، اسامہ خان کی میت لانے کے لئے پاکستانی سفارت خانہ متعلقہ حکام سے رابطے میں ہے۔

ترجمان دفترخارجہ نے کہا کہ اسامہ خان کی میت لیوننگ سے بیجنگ لائی جا چکی ہے جو آج رات پاکستان لائی جائے گی، متوفی چین کے صوبہ لیوننگ کے شہر شنیانگ کی جیان زو یونیورسٹی کا طالبعلم تھا۔

واضح رہے سوشل میڈیا پر چین میں ایک واقعے کی ویڈیو زیرگردش ہے جس میں 2 چینی لڑکے ملکر ایک لڑکے پر چھریوں کے وار کررہے ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔