بھارت نے بھی کرتارپور بارڈر کھولنے کی منظوری دیدی

نئی دہلی: بھارتی حکومت نے پاکستان جانے والے بھارتی یاتریوں کے دیرینہ مطالبے پر کرتار سنگھ بارڈر کھولنے اور وہاں تک خصوصی راہداری تعمیر کرنے کی منظوری دے دی ہے۔

بھارتی میڈیا کے مطابق بھارت کی مرکزی کابینہ نے کرتار سنگھ بارڈر کھولنے کی منظوری دے دی۔ نئی دہلی میں ٹوئٹر پر جاری کردہ بیان میں بھارتی وزیرِ داخلہ راج ناتھ سنگھ نے کہا کہ مشرقی پنجاب کے ضلع گرداسپور میں ڈیرہ بابا نانک سے پاکستان تک راستہ تعمیر کیا جائے گا، تاکہ گردوارہ دربار صاحب کرتارپور کی زیارت کے لیے جانے والے یاتریوں کو سہولت فراہم کی جاسکے، اس سلسلے میں ایک ٹرین بھی چلائے گی جو مقدس مقامات سے گزرے گی۔

In landmark decision, the Cabinet approves building and development of Kartarpur corridor from Dera Baba Nanak in Gurdaspur district to International Border. Kartarpur corridor project with all modern amenities and facilities to be implemented with Central Government funding.

— राजनाथ सिंह (@rajnathsingh) November 22, 2018

یہ بھی پڑھیں: پاکستان کا کرتارپورکوریڈور کی تعمیر شروع کرنے کا فیصلہ

ادھر پاکستانی حکومت پہلے ہی کرتارپور سرحد کھولنے کی منظوری دے چکی ہے۔ وزیر خارجہ شاہ محمود قریشی نے بتایا کہ وزیراعظم عمران خان 28 نومبر کو کرتارپور کوریڈور کا سنگ بنیاد رکھیں گے، پاکستان بھارت کو کرتارپور کوریڈور کھولنے کے فیصلے سے پہلے ہی آگاہ کرچکا ہے، ہم سکھ یاتریوں کو پاکستان آمد پر خوش آمدید کہتے ہیں۔

Pakistan has already conveyed to India it's decision to open Kartarpura Corridor for Baba Guru Nanak’s 550th birth anniversary. PM Imran Khan will do break ground at Kartarpura facilities on 28th November. We welcome the Sikh community to Pakistan for this auspicious occasion.

— Shah Mahmood Qureshi (@SMQureshiPTI) November 22, 2018

وفاقی وزیر اطلاعات فواد چوہدری نے بھی کہا ہے کہ پاکستان کی تجویز پر بھارتی حکومت نے کرتار سنگھ بارڈر کی توسیع کرنے کی حامی بھر لی ہے، یہ فیصلہ دونوں ممالک کی امن پسند لابی کی فتح ہے، توقع ہے کہ سرحد کے دونوں جانب متوازن آوازوں کی حوصلہ افضائی ہوگی۔

Indian Cabinet endorsement of Pakistan’s proposition on #KartarPurBorderOpening is victory of peace lobby in both countries, its a step towards right direction and we hope such steps ll encourage voice of reasons and tranquility on both sides of the border.

— Ch Fawad Hussain (@fawadchaudhry) November 22, 2018

بھارتی سیاست دان اور صوبائی وزیر سدھو نے ردعمل میں کہا ہے کہ بھارتی حکومت کی طرف سے کرتار سنگھ بارڈر کی توسیع پر تہہ دل سے شکر گزار ہوں، اس سے بابا گورو نانک کے امن کے پیغام کو فروغ ملے گا، پاکستانی وزیراعظم عمران خان سے درخواست ہے کہ وہ بھی بارڈر کھولنے کیلئے جلد از جلد اقدامات کریں۔

دربار صاحب گرودوارہ نارووال کے علاقے کرتار پور میں واقع ہے۔ کرتارپور کا گردوارہ سکھوں کے لیے انتہائی مقدس مقام ہے جہاں سکھ مذہب کے بانی گرو نانک کی رہائش اور جائے وفات ہے۔