بلڈر اور مذہبی رہنما پراسرار طور پر لاپتہ اغوا کا خدشہ

معروف بلڈر اور متحدہ دینی محاذ کے رہنما امان اﷲ مغل نوابشاہ سے اپنی کار میں دریا خان مری جاتے ہوئے راستے میں پُراسرار طور پر لاپتہ ہوگئے۔

---

متحدہ دینی محاذ کے مقامی رہنما اور معروف بلڈر پُراسرار طور پر لاپتہ، ورثاء کی جانب سے اغوا کا خدشہ، مقدمہ درج کر لیا گیا۔

تفصیلات کے مطابق نوابشاہ کے معروف بلڈر اور متحدہ دینی محاذ کے رہنما امان اﷲ مغل نوابشاہ سے اپنی کار میں دریا خان مری جاتے ہوئے راستے میں پُراسرار طور پر لاپتہ ہوگئے۔ ورثاء کی جانب سے تلاش میں ناکامی پر اغوا کا خدشہ ظاہر کیا جا رہا ہے۔



جس کے خلاف متحدہ دینی محاذ کے صوبائی رہنما حنیف عثمانی کی قیادت میں کارکنان کی بڑی تعداد نے دوڑ تھانے پر احتجاج کرتے ہوئے اغوا کا مقدمہ درج کرنے کا مطالبہ کیا ہے ، دوڑ پولیس نے امان اﷲ مغل کے بھائی ظفر اقبال کی مدعیت میں نامعلوم ملزمان کے خلاف مقدمہ درج کرکے مغوی کی تلاش شروع کردی ہے۔