- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
سپریم کورٹ کا نجی اسکولوں کو فیس میں 20 فیصد کمی کا حکم
اسلام آباد: سپریم کورٹ نے بڑے نجی اسکولوں کو فیس میں 20 فیصد کمی کا حکم دیتے ہوئے سالانہ 8 فیصد سے زیادہ اضافہ پر پابندی لگادی اور 21 بڑے اسکولوں کے اکاؤنٹس تحویل میں لینے اور کھاتے ضبط کرنے کا حکم دیتے ہوئے کہا ہے کہ نجی اسکولز کو غیر ضروری منافع نہیں کمانے دیں گے۔
سپریم کورٹ میں نجی اسکولوں کی فیسوں میں اضافے کے خلاف کیس کی سماعت ہوئی۔
سپریم کورٹ نے تمام بڑے اسکولز کو بنیادی فیس میں 20 فیصد کمی کا حکم دیتے ہوئے کہا کہ نجی اسکولز فیس میں سالانہ 8 فیصد سے زیادہ اضافہ نہیں کرسکیں گے تاہم اسکولز کو ازخود پانچ فیصد سالانہ فیس بڑھانے کا اختیار ہوگا اور پانچ فیصد سے زائد اضافے کیلئے ریگولیٹری اتھارٹی کی اجازت درکار ہوگی، تمام اسکولز گرمیوں کی چھٹیوں کی آدھی فیس واپس کریں یا ایڈجسٹ کریں۔
عدالت نے ایف بی آر کو 21 بڑے اسکولز کے ٹیکس ریکارڈ کی مکمل چھان بین کا حکم دیا اور ایف آئی اے کو فوری طور پر ان اسکولوں کے اکاؤنٹس تحویل میں لینے اور کمپیوٹر، اکاؤنٹنگ رجسٹر اور کھاتے ضبط کرنے کی ہدایت کی۔ عدالت نے قرار دیا کہ فیس کے معاملے پر اگر بچے کو نکالا گیا یا اسکول بند کیا تو اس کی ذمہ داری مالکان پر ہوگی۔
قبل ازیں کیس کی سماعت شروع ہوئی تو سیکرٹری لاء اینڈ جسٹس کمیشن نے رپورٹ پیش کرتے ہوئے بتایا کہ فیس میں سالانہ اضافے پر اتفاق نہیں ہوسکا، نجی اسکول صرف 8 فیصد فیس میں کمی پر تیار ہیں۔
چیف جسٹس پاکستان میاں ثاقب نثار نے کہا کہ فیس میں آٹھ فیصد کمی کی تجویز ناقابل قبول ہے، میں نے تو فیس میں 20 فیصد کمی کا حکم دیا تھا، ایک اسکول کا ڈائریکٹر 85 لاکھ روپے تنخواہ لے رہا ہے، لاہور گرامر اسکول کے ڈائریکٹر کا چہرہ دیکھنا چاہتا ہوں، کوئی خدا کا خوف بھی ہوتا ہے، بندا روزانہ نوٹ پھاڑنا شروع کرے، ایک ماہ میں 85 لاکھ پھاڑ بھی نہیں سکتا، اتنی بڑی تنخواہ سی ای او اور ڈائریکٹر لے رہے ہیں، کیا ان لوگوں نے یورینیم کی کان لگا رکھی ہے۔
یہ بھی پڑھیں: نجی اسکول مالکان کو اضافی فیسیں واپس کرنے کا حکم
آڈیٹر جنرل حکام نے کہا کہ نجی اسکول نے پانچ افراد کو 512 ملین تنخواہوں کی مد میں ادا کئے۔
چیف جسٹس نے کہا کہ نجی اسکولز کو غیر ضروری منافع نہیں کمانے دیں گے، سرکاری اسکول اس قابل نہیں کہ والدین بچے بھجوا سکیں، مالکان ایک اسکول سے 250 اسکولوں کے مالک بن گئے۔
طلبہ کے والدین کے وکیل فیصل صدیقی نے کہا کہ ہر سال فیس میں 10 سے 20 فیصد اضافہ کرنے والے اسکول 1 بار 20 فیصد کمی پر تیار نہیں۔ جسٹس اعجازالاحسن نے کہا کہ عدالت کو بنیادی فیس کے حوالے سے قانون بنانا پڑے گا۔
چیف جسٹس نے ایف آئی اے اور ایف بی آر کے سربراہان کو فوری طور پر عدالت میں طلب کرتے ہوئے کہا کہ اسکولوں کا فرانزک آڈٹ کرائیں گے، مالکان ایک کمرہ کے اسکول سے اب صنعت کار بن گئے ہیں۔
عدالت نے ایف بی آر کو لاہور گرائمر اسکول کے اکاؤنٹس منجمد کرنے کا حکم دیتے ہوئے کہا کہ ڈائریکٹر ایف آئی اے لاہور کو ابھی فون پر آگاہ کیا جائے، اکاؤنٹس کا مکمل ریکارڈ اور کمپیوٹر بھی تحویل میں لے لیے جائیں، لاہور گرائمر اسکول کے ڈائریکٹر کا پانچ سالہ ٹیکس ریکارڈ بھی پیش کیا جائے۔
جسٹس اعجاز الاحسن نے کہا کہ تعلیمی ادارے کارپوریٹ ٹیکس ادا نہیں کرتے اور صرف اِنکم ٹیکس ادا کرتے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔