نیب نے راناثنااللہ کے خلاف بھی تحقیقات کا آغازکردیا

 اسلام آباد: قومی احتساب بیورو نے سابق وزیر قانون پنجاب رانا ثناءاللہ کے خلاف بھی تحقیقات کا آغاز کردیا۔

ایکسپریس نیوزکے مطابق مسلم لیگ (ن) کے رکن قومی اسمبلی راناثناءاللہ بھی نیب کے شکنجے میں آگئے، نیب نے سابق صوبائی وزیرقانون رانا ثنااللہ کے خلاف فیصل آباد انڈر پاس کا نقشہ بدل کرمن پسند افراد کو کروڑوں روپے فائدہ پہنچانے کے الزام پر تحقیقات شروع کر دیں۔

واضح رہے قومی اسمبلی میں قائد حزب اختلاف شہباز شریف سمیت مسلم لیگ (ن) کے اہم رہنماؤں کے خلاف نیب تحقیقات کررہا ہے جب کہ شہباز شریف اور خواجہ برادران اس وقت نیب کی زیرحراست میں ہیں۔