کشمیری نوجوان کی بھارتی فوج کی فائرنگ سے شہادت پر انڈونیشیا میں احتجاج

انڈونیشیا میں شہید عابد لون کی اہلیہ کے اہل خانہ نے شہریوں کے ہمراہ مظاہرہ کیا۔ فوٹو : ٹویٹر

---

بھارتی فوج کی فائرنگ سے انڈونیشیا پلٹ کشمیری نوجوان کی شہادت پر انڈونیشیا میں بھی مظاہرے کیے گئے۔

بین الاقوامی خبر رساں ادارے کے مطابق جنت نظیر وادی کے ضلع پلوامہ میں بھارتی فوج کی فائرنگ سے گھر کے باہر کھڑے نوجوان عابد لون نے جام شہادت نوش کرلیا۔ عابد لون نے انڈونیشیا سے ایم بی اے کیا تھا اور پھر روزگار کے لیے وہیں مقیم ہوگئے تھے جہاں انہوں نے کچھ عرصے قبل مقامی خاتون سے شادی کرلی تھی۔

Three month old daughter of Abid Nabi Lone being carried to the funeral of her father who was killed in #Pulwama today. Lone had MBA from Bangalore and worked in Indonesia where he married an Indonesian girl. He returned home six months ago. #Kashmir pic.twitter.com/xaxs53eQty

— Syed Zafar Mehdi (@mehdizafar) December 15, 2018

عابد نبی لون اپنی سرزمین کی محبت میں اہلیہ کے ہمراہ چھ ماہ قبل ہی اپنے والدین کے پاس کشمیر لوٹے تھے اور حال ہی میں کاروبار شروع کیا تھا۔ عابد نبی لون کی تین ماہ کی معصوم بیٹی ہے۔ عابد لون کی شہادت پر غیر ملکی اہلیہ غم سے نڈھال ہیں۔

https://twitter.com/thekns24x7/status/1074200488894029824

عابد نبی لون کی شہادت پر انڈونیشیا میں ان کی اہلیہ کے والدین کے گھر لوگوں کا تانتا بند گیا، اپنی بیٹی کے بھری جوانی میں بیوہ ہوجانے پر افسردہ ماں نے دیگر شہریوں کے ہمراہ جکارتہ میں مظاہرہ بھی کیا۔

مظاہرین نے پلے کارڈز اور بینر اُٹھا رکھے تھے جس میں کشمیر میں معصوم نوجوانوں کے قتل عام کو رکوانے کے مطالبے درج تھے۔ مظاہرین نے بھارتی جارحیت کے خلاف نعرے بازی بھی کی۔

پلوامہ میں آٹهویں جماعت کا طالب علم شہید کردیا گیا
Shame indain shame pic.twitter.com/ahFWY9qTVe

— adil Kashmir hmra ha (@adilkhanadil862) December 15, 2018

علاوہ ازیں گزشتہ روز بھارتی فوج نے ضلع پلوامہ میں نوجوانوں کی شہادت پر احتجاجی مظاہرہ کرنے والے شہریوں پر براہ راست فائرنگ کرکے 11 شہریوں کو شہید کردیا تھا جن میں عابد لون سمیت ایک آٹھویں جماعت کا طالب علم بھی شامل ہے۔

دوسری جانب بھارتی آرمی چیف بپن راوت نے پتھراؤ کرنے والے مظاہرین کو گولی سے جواب دینے کا بیان دے کر کشمیریوں کے زخم نمک چھڑکنے کی کوشش کی ہے اور قابض بھارتی فوج کے جارحیت سے بھرے عزائم کا اظہار کیا۔

https://twitter.com/UsmanPoxts/status/1073982615030501380