مہنگائی کے مارے عوام کی چیخیں تحریک انصاف کی حکومت گرادے گی، بلاول بھٹو

 کراچی: چیئرمین پاکستان پیپلزپارٹی بلاول بھٹو زرداری نے کہا ہے کہ مہنگائی کے ستائے عوام اور غریبوں کی چیخیں تحریک انصاف کی حکومت گرادے گی۔

ٹوئٹر پر اپنے بیان میں بلاول بھٹو زرداری نے لکھا کہ پورے پاکستان سے چیخیں آرہی ہیں کہ بجلی، گیس، پٹرول مہنگا ہے اور غریب کے سر پر نہ چھت، نہ پیٹ میں روٹی، نہ تن پہ کپڑا،  یہ چیخیں اب دھاڑ میں بدل رہی ہیں اور یہ دھاڑ آپ کی حکومت گرادے گی۔

پورے پاکستان سے چیخیں آرہی ہیں کہ بجلی مہنگی، گیس مہنگی، پٹرول مہنگا، غریب کے سر پر نہ چھت، نہ پیٹ میں روٹی، نہ تن پہ کپڑا، یہ چیخیں اب دھاڑ میں بدل رہی ہیں اور یہُ دھاڑ آپکی حکومت گرادیگی۔

— BilawalBhuttoZardari (@BBhuttoZardari) December 30, 2018

بلاول نے لکھا کہ سندھ سے بھی چیخیں آرہی ہیں کہ سب سے ذیادہ گیس پیدا کرنے والے سندھ کو گیس نہیں دی جارہی، سندھ کو پانی نہیں دیا جارہا، چیخیں آرہی ہیں کہ سندھ کی ذراعت اور صنعتیں تباہ ہورہی ہیں۔

جی ہاں ، سندھ سے چیخیں آرہی ہیں کہ، سب سے ذیادہ گیس پیدا کرنے والے سندھ کو گیس نہیں دی جارہی۔ سندھ سے چیخیں آرہی ہیں کہ سندھ کو پانی نہیں دیا جارہا- سندھ سے چیخیں آرہی ہیں کہ سندھ کی ذراعت تباہ ہورہی ہے اور صنعتیں تباہ ہورہی ہیں-

— BilawalBhuttoZardari (@BBhuttoZardari) December 30, 2018