ممبئی حملے بھارت پوزیشن واضح کرے پاکستان

طالبان کی جانب سے اپنے جنگجو شام نہ بھیجنے کے بیان پر بھی غور ہورہا ہے، کوئی بات سامنے آئی تو وہ ضروری کارروائی کرینگے، انٹرویو میں اظہار خیال. فوٹو: فائل

---

پاکستان نے امید ظاہر کی ہے کہ بھارت سابق حکومتی عہدیدار کے ممبئی اور پارلیمنٹ پر ہونے والے حملوں میں بھارت کے خود ملوث ہونے کے انکشافات کے بارے میں اپنی پوزیشن واضح کرے اور حقائق کو سامنے لائے ۔

بدھ کو اپنے ایک انٹرویو میں دفتر خارجہ کے ترجمان اعزاز احمد چوہدری نے کہا کہ ہم بھی سابق بھارتی عہدیدار کے بیان کا جائزہ لے رہے ہیں۔



تحریک طالبان پاکستان کی طرف سے شام میں اپنے جنگجوؤں کو نہ بھیجنے سے متعلق تردید کے بارے میں ترجمان نے کہا کہ متعلقہ محکمے معاملے کا جائزہ لے رہے ہیں اور اس سلسلے میں کوئی بات سامنے آئی تو وہ ضروری کارروائی کریں گے۔ انھوں نے کہا کہ دوسرے ملکوں کے اندرونی معاملات میں عدم مداخلت ہماری پالیسی ہے۔