سانحہ ساہیوال کی جے آئی ٹی نے شواہد کے لیے عوام سے مدد مانگ لی 

 لاہور: حکومت پنجاب کی جے آئی ٹی نے سانحہ ساہیوال پر شواہد کے لیے عوام سے مدد مانگ لی۔

سانحہ ساہیوال میں سی ٹی ڈی کی فائرنگ سے 4 افراد کی ہلاکت کے معاملے پر حکومت کی جانب سے بنائی گئی جے آئی ٹی نے عوام سے مدد مانگ لی، پنجاب پولیس نے عوام سے تعاون کی اپیل کے اشتہارات جاری کردیے جس میں کہا گیا ہے کہ کسی شخص کے پاس ٹھوس ثبوت، چشم دید شہادت یا ویڈیو موجود ہے تو جے آئی ٹی کو پیش کی جائے۔

اس خبر کو بھی پڑھیں : ظالموں نے ظلم کی انتہا کردی، عینی شاہد سانحہ ساہیوال کا بیان

اشتہار میں کہا گیا ہے کہ تمام ثبوت 28 جنوری صبح  11 بجے تھانہ یوسف والا میں جے آئی ٹی کو پیش کئے جائیں جب کہ اشتہار میں ثبوت فراہم کرنے والے کا نام صیغہ راز میں رکھنے کا وعدہ بھی کیا گیا ہے۔

واضح رہے کہ گزشتہ ہفتے ساہیوال میں پنجاب پولیس کے محکمہ انسداد دہشت گردی (سی ٹی ڈی) کی فائرنگ سے ماں، باپ اور بیٹی سمیت 4 افراد جاں بحق جب کہ 3 بچے زخمی ہوگئے تھے۔