اسٹیل ملز کی نجکاری لیز اور خود چلانے کے آپشن زیر غور ہیں عبدالرزاق داؤد

پاکستان میں ہر چیز کو منفی انداز میںکیوں دیکھا جاتا ہے، کبھی تو مثبت بھی سوچا جائے،صحافیوں سے غیر رسمی گفتگو۔فوٹو: فائل

---

مشیرصنعت و تجارت عبدالرزاق داؤد نے کہاہے کہ انڈسٹریل پالیسی کا ڈرافٹ تیار کر لیا ہے، تجاویز کے لیے ایوان صنعت و تجارت کو بھیجا جائے گا۔

عبدالرزاق داؤد نے کہاہے کہ رواں مالی سال تجارتی خسارے میں 5سے 6ارب ڈالر میں کمی کا امکان ہے، ہماری حکومت برآمدات کا ریکارڈ بنائے گی، رواں مالی سال برآمدات 25 ارب ڈالر سے زیادہ ہوں گی، اسٹیل ملز کے معاملے پر تین آپشن زیرغور ہیں جس میں اسٹیل ملز کو لیز پر دینے ،نجکاری اور خود چلانے کے آپشن پر غور ہو گا۔ پاکستان اسٹیل ملز کو 3چین اور 3روسی کمپنیوں نے لیز پر لینے میں دلچسپی ظاہر کی ہے۔

مشیر صنعت و تجارت عبدالر زاق داؤد نے وزارت صنعت و پید اوار میں صحافیوں سے غیر رسمی گفتگو کر تے ہوئے کہا کہ اقتدار میں آئے تو انڈسٹری ختم ہو رہی تھی ،تجارتی خسارہ بڑھ رہا تھااوربرآمدات میں مسلسل کمی ہو رہی تھی، ڈیوٹیز کا سٹرکچر درست نہیں تھا، حالیہ ریفارمز پیکج دو سے تین دن میں منظور ہو جائے گا، ریفارمز پیکیج میں بہت مثبت تبدیلیاں کی ہیں۔