سونم کپور کا ہم جنس پرستی پر مبنی کردار منظرعام پر آگیا

فلم میں سونم کپورکو ایک لڑکی کی محبت میں برُی طرح گرفتاردکھایا گیا ہے

---

لاہور: بالی ووڈ کی معروف اداکارہ سونم کپور کی ہم جنس پرستی پر مبنی فلم 'ایک لڑکی کو دیکھا تو ایسا لگا' ریلیز کردی گئی۔

بھارتی میڈیا رپورٹس کے مطابق شیلی چوپڑا کی ہدایت کاری میں بننے والی فلم ' ایک لڑکی کو دیکھا تو ایسا لگا بلآخر ریلیز کردی گئی، ہم جنس پرستی کے موضوع پر بنی اس فلم میں سونم کپور ہم جنس پرست لڑکی کا کردار ادا کر رہی ہیں جوکہ ایک لڑکی کی محبت میں گرفتار ہو جاتی ہے۔

فلم میں سونم کے والد کا کردار اُن کے حقیقی والد انیل کپور ہی ادا کر رہے ہیں اور فلم میں راجکمار راؤ مرکزی کردار ادا کر رہے ہیں جب کہ معروف اداکارہ جوہی چاؤلہ بھی اہم کردار میں نظرآئیں گی۔

#OneWordReview…#EkLadkiKoDekhaTohAisaLaga: BRAVE!
Rating: ⭐️⭐️⭐️
Good to see unconventional themes being given dignity by mainstream actors... Will surely trigger debates about love and life... Anil, Juhi, Rajkummar, Sonam, Abhishek Duhan are top notch. #ELKDTAL pic.twitter.com/2ol6qhUOVn

— taran adarsh (@taran_adarsh) February 1, 2019

معروف فلمی تجزیہ کار ترن ادرش نے اپنی ٹوئٹ میں فلم کو اچھی ریٹنگ دیتے ہوئے ہوئے کہا کہ یہ دیکھ کر خوشی ہوئی کہ غیرروایتی موضوعات کو مرکزی اداکاروں کی جانب سے اہمیت دی جارہی ہے۔ یقیناً اس سے زندگی اور محبت کے متعلق بحث شروع ہوگی۔