انوشکا کی ہم شکل امریکی گلوکارہ کی سوشل میڈیا پر دھوم

 ممبئی: مشہور ہے کہ دنیا کے کسی کونے میں کوئی آپ کا ہم شکل موجود ہوسکتا ہے اور یہ ایک سے زائد بھی ہوسکتے ہیں۔ اس بات میں کتنی حقیقت ہوسکتی ہے اس کا اندازہ انوشکا شرما کی ہم شکل امریکی گلوکارہ کی تصاویر دیکھ کر کیا جا سکتا ہے۔

سوشل میڈیا ایک ایسے پلیٹ فارم کا نام ہے جس میں ساری دنیا سمٹ آئی ہے اور کوئی چیز آنکھوں سے اوجھل نہیں ہوسکتی۔ اب امریکی گلوکارہ کی انسٹا گرام پر شیئر کی گئی تصاویر ہی دیکھ لیں جن کی انوشکا شرما سے مماثلت نے صارفین کو چکرا کر رکھ دیا۔

سوشل میڈیا پر اس حد درجہ مماثلت کا چرچا امریکی گلوکارہ جولیا مائیکلس کی حالی ہی میں انسٹا گرام پر شیئر کی گئی اپنی ایک نئی تصویر سے ہوا، اس تصویر میں پہلی ہی نظر میں انوشکا شرما لگ رہی ہیں یہاں تک کہ سوشل میڈیا صارفین دھوکا کھا گئے۔

جولیا مائیکلس کی تصویر وائرل ہونے کی دیر تھی کہ سوشل میڈیا صارفین نے انوشکا اور جولیا کی تصویروں کو جوڑ کر دلچسپ تبصرے شروع کردیئے۔

کچھ کا خیال تھا کہ یہ تصویر انوشکا کی کسی آنے والی فلم کے انگریزی کردار کی ہے جب کہ کچھ نے تو جولیا کو انوشکا کی جڑواں بہن قرار دے دیا۔

pic.twitter.com/u5Mgmayu0N

— ash (@Yash__Aamirian) February 3, 2019