نیب نے آصف زرداری کیخلاف غیر قانونی اثاثہ جات کیس دوبارہ کھلوادیا

ویب ڈیسک  پير 11 فروری 2019
آصف زرداری کے خلاف مزید شواہد مل چکے ہیں لہذا بریت ختم کرکے ملزم کو نااہل قرار دیا جائے، نیب

آصف زرداری کے خلاف مزید شواہد مل چکے ہیں لہذا بریت ختم کرکے ملزم کو نااہل قرار دیا جائے، نیب

راولپنڈی: نیب راولپنڈی نے سابق صدر کے خلاف اثاثہ جات کیس میں بریت کے خلاف اپیل ری اوپن کرادی۔

ایکسپریس نیوز کے مطابق آصف علی زرداری کے خلاف شکنجہ سخت ہوگیا، نیب راولپنڈی نے سابق صدر کے خلاف اثاثہ جات کیس میں بریت کے خلاف اپیل ری اوپن کرادی۔ نیب نے اپنی اپیل میں موقف اختیار کیا کہ آصف زرداری کے خلاف ریفرنس مضبوط ہے اور اس میں مزید شواہد بھی مل چکے لہذا بریت ختم کرکے ملزم کو کڑی سزا اور نااہل قرار دیا جائے۔

اس خبر کو بھی پڑھیں؛ آصف زرداری کو اثاثہ جات کیس میں بری کرنے کا فیصلہ ہائیکورٹ میں چیلنج

دوسری جانب جسٹس قاسم خان نے نیب کی درخواست منظور کرتے ہوئے اپیل 6 مارچ کو سماعت کے لئے مقرر کردی جب کہ ہائی کورٹ نے احتساب عدالت کو نوٹس کرتے ہوئے ریکارڈ بھی طلب کر لیا۔

واضح رہے کہ راولپنڈی کی احتساب عدالت نے سابق صدر آصف علی زرداری  کو غیر قانونی اثاثہ جات ریفرنس کیس میں بری کردیا تھا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔