سارہ کو پانے کیلیے سیف علی خان کی شرط پوری کررہا ہوں، کارتک آریان

ویب ڈیسک  پير 11 فروری 2019
جھانوی کپور کے مقابلے میں سارہ علی خان کا مستقبل زیادہ روشن ہے، کارتک آریان

جھانوی کپور کے مقابلے میں سارہ علی خان کا مستقبل زیادہ روشن ہے، کارتک آریان

اسلام آباد: بالی ووڈ کے ابھرتے ہوئے اسٹار کارتک آریان کا کہنا ہے کہ وہ زیادہ سے زیادہ پیسے کمارہے ہیں تاکہ سارہ علی خان کو ڈیٹ پر لے جاسکیں۔

بالی ووڈ کے نوجوان اداکار کارتک آریان کا شمار بھی ان اداکاروں میں ہوتا ہے جو مختصر عرصے میں ہی شہرت کی بلندیوں پر پہنچے جب کہ ان کا نام سارہ علی خان کے ساتھ جڑنے کے بعد دونوں کئی عرصے تک خبروں کی زینت بنے رہے اور سارہ کے بعد اب کارتک آریان نے بھی ’کافی ود کرن میں‘سارہ علی خان سے متعلق دلچسپ باتیں کیں۔

بالی ووڈ کے نامور فلمساز کرن جوہر کے پروگرام ’کافی ود کرن‘ میں کارتک آریان اپنی نئی فلم ’لکا چھپی‘ کی تشہیر کے لیے پہنچے جس میں ان کی ساتھی ادکارہ کیرتی سینن بھی موجود تھیں۔ کارتک آریان سے جب پوچھا گیا ’کیا وہ سارہ علی خان میں دلچسپی رکھتے ہیں‘ تو انہوں نے جواب دیا بالکل وہ تو سارہ کو ڈیٹ پر لے جانے کے لیے زیادہ سے زیادہ پیسے کما کر سیف علی خان کی شرط پوری کرنے کی کوشش کرررہے ہیں۔

اس خبر کو بھی پڑھیں؛ بونی کپور بیٹی جھانوی سے زیادہ سارہ علی خان کو توجہ ملنے پر ناراض

کارتک سے جب پوچھا گیا کہ سارہ علی خان اور جھانوی کپور میں کس کا مستقبل زیادہ روشن ہے تو کارتک نے سارہ علی خان کا نام لیتے ہوئے کہا کہ ان کا ڈریسنگ کا انداز اور بات کرنے کا انداز سب ہی بہت اچھا ہے جب کہ وہ بہتر اداکارہ بھی ہیں۔

اس خبر کو بھی پڑھیں؛ سارہ علی خان کی خواہش پوری ہوگئی

واضح رہے کافی ون کرن میں سارہ علی خان نے کارتک آریان کے ساتھ ڈیٹ پر جانے کی خواہش ظاہر کی تھی جب کہ اسی پروگرام میں ان کے والد سیف علی خان نے مذاق میں کہا تھا کہ اگر کارتک کے پاس بہت سارے پیسے ہیں تو انہیں دونوں کی دوستی پر کوئی اعتراض نہیں ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔