علی ظفر کشور کمار کا کردار بہتر ادا کرسکتے ہیں اداکار آیوشمان کھرانا

علی ظفر نے کشور کمار کا گانا شیئر کرکے انہیں خراج تحسین پیش کیاہے فوٹوفائل

---

بالی ووڈ اداکار آیوشمان کھرانا کا خیال ہے کہ بالی ووڈ کے لیجنڈ گلوکار و اداکار کشور کمار کا کردار علی ظفر بہتر انداز میں نبھا سکتے ہیں۔

چند روز قبل منیش سنگھ نامی صارف نے ٹوئٹر پر بالی ووڈ اداکار آیوشمان کھرانا کے ایک انٹرویو کا حوالہ دیا تھا جس میں آیوشمان نے کہا تھا کہ وہ کشور کمار کی زندگی پر بننے والی فلم میں مرکزی کردار ادا کرنے کے خواہشمند ہیں لیکن پاکستانی اداکار علی ظفر کشور کمار کا کردار بہتر ادا کرسکتے ہیں اور انہیں ہی یہ کردار ادا کرنا چاہیے۔

While @ayushmannk recently hinted on show with @RajeevMasand that he would love to play Kishore Kumar Biopic, but @AliZafarsays should be their in that biopic. 👍

— MANISH SINGH (@mrcleanchrome) February 21, 2019

علی ظفر نے اس ٹوئٹ کے جواب میں کہا ہے کہ میں نہیں سمجھتا کہ میں کشور کمار کے کردار سے انصاف کرپاؤں گا لیکن آپ کا شکریہ کہ آپ نے میرا نام اس کردار کے لیے تجویز کیا، آپ کی محبت کا بھی بے حد شکریہ۔

Yaar I don’t think I can match to his genius. But thank you for the love. Always ❤️🙏 https://t.co/L9Gy0qjR74

— Ali Zafar (@AliZafarsays) February 21, 2019

اس کے ساتھ ہی علی ظفر نے لیجنڈ گلوکارو اداکار کشور کمارکا 1965 میں ریلیز ہواگانا ''پیار بانٹتے چلو'' شیئر کرتے ہوئے انہیں خراج تحسین پیش کیا۔

Dear #KishoreKumar. You are needed now more than ever :) Kishore Kumar_Asad Bhopali_L P..a tribute to the Gr8 KK https://t.co/apbpKaD00O v

— Ali Zafar (@AliZafarsays) February 21, 2019

واضح رہے کہ علی ظفر نے اداکاری کی شروعات بالی ووڈ فلم ''تیرے بن لادن'' سے کی تھی بعد ازاں انہوں نے متعدد بھارتی فلموں میں کام کیا بھارتی فلمسازو اداکار بھی علی ظفر کی صلاحیتوں کے معترف ہیں تاہم پاک بھارت حالیہ کشیدگی کے باعث بھارت نے ایک بار پھر پاکستانی فنکاروں پر پابندی عائد کردی ہے۔