برازیل میں کشتی ٹکرانے سے پل منہدم

دریا میں سے 10 افراد کو بحفاظت نکالا جا چکا ہے۔ فوٹو : ٹویٹر

---

برازیل کے دریا پر بنا پل گندم سے لدی کشتی کے ٹکرانے سے منہدم ہو گیا جس کے نتیجے میں کشتی پاش پاش ہوگئی اور 2 گاڑیاں دریا میں بہہ گئیں۔

بین الاقوامی خبر رساں ادارے کے مطابق برازیل کی ریاست پارا کے دریا 'موجو' پر قائم پل کے پلرز سے گندم سے بھری کشتی ٹکرا گئی جس کے نتیجے میں پل کا بڑا حصہ ٹوٹ کر دریا میں گیا، پل پر موجود دو گاڑیاں بھی دریا میں بہہ گئیں جب کہ کشتی کے بھی کئی حصے ہوگئے۔

ریسکیو اداروں کے تیراکوں نے امدادی کاموں کا آغاز کرتے ہوئے کشتی میں سوار 5 افراد کو بحفاظت نکال لیا ہے، بعد ازاں کار میں سوار افراد کو بھی دریا میں سے نکال لیا گیا جنہیں معمولی زخم آئے ہیں۔ اسپتال میں 10 زخمیوں کو لایا گیا ہے۔

مقامی انتظامیہ کا کہنا ہے کہ پل کی مرمت میں چند دن لگ سکتے ہیں تب تک دریا کو پار کرنے کے لیے کشتی کا استعمال کیا جا سکے گا۔ اس سے قبل بھی پل کی ناگفتہ بہ حالت کی وجہ سے ایسے حادثات پیش آ چکے ہیں لیکن پل کے پلرز کو پختہ کرنے کے لیے ٹھوس اقدامات نہیں اُٹھائے گئے۔

Primeiros registros que temos sobre a queda da terceira ponte do Moju. Vou informando vocês por aqui. Neste momento sobrevoando a área com Cel. Dilson da PM, Cel. Hayman e o secretário de Segurança Ualame Machado. pic.twitter.com/OkKRMZRjBq

— Helder Barbalho (@helderbarbalho) April 6, 2019