اتوار سے کراچی سمیت اندرون سندھ میں بارش کا امکان

ویب ڈیسک  بدھ 10 اپريل 2019
بارشوں کا سلسلہ 14 اپریل سے 16 اپریل کے درمیان 3 روز تک جاری رہ سکتا ہے، محکمہ موسمیات

بارشوں کا سلسلہ 14 اپریل سے 16 اپریل کے درمیان 3 روز تک جاری رہ سکتا ہے، محکمہ موسمیات

کراچی: محکمہ موسمیات کا کہنا ہے کہ اتوار سے کراچی اور اندرون سندھ کے مختلف اضلاع میں بارش کا امکان ہے۔

محکمہ موسمیات نے کراچی میں ہلکی بارش کی پیش گوئی کردی، ڈائریکٹر محکمہ موسمیات سردار سرفراز کا کہنا تھا کہ مغربی ہوا کے کم دباو کے نتیجے میں اتوار سے کراچی اور اندرون سندھ کے مختلف اضلاع میں بارش کا امکان ہے۔ بارشوں کا سلسلہ 14 اپریل سے 16 اپریل کے درمیان 3 روز تک جاری رہ سکتا ہے۔

ڈائریکٹر محکمہ موسمیات نے کہا کہ سسٹم ایران کے راستے بلوچستان میں داخل ہوگا جب کہ کراچی میں ہلکی بارش اور اندرون سندھ بلوچستان میں گرج چمک کے ساتھ بارشوں کا امکان ہے۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔