امیتابھ بچن پاکستانی بننے کی حامی بھرنے کے بعد مکر گئے

دبئی: بالی ووڈ کے شہنشاہ امیتابھ بچن نے  اپنی اگلی فلم میں پاکستانی بننے سے انکار کردیا۔

بالی ووڈ اداکاروں کی اکثریت صرف اپنے مفاد کو مدنظر رکھتی ہے، ان میں بگ بی بھی شامل ہیں جو وقت اور حالات کے ساتھ اپنی سوچ کو بدلنے میں ذرا سا بھی وقت نہیں لگاتے۔

بھارتی ویب سائٹ کے مطابق بالی ووڈ کے آسکر ایوارڈ یافتہ ساؤنڈ ڈیزائنر ریسول پوکوٹی ہدایت کاری کے میدان میں قدم رکھنے جارہے ہیں اور اپنی پہلی فلم میں انہوں نے امیتابھ بچن کو کاسٹ کرنے کا فیصلہ کیاتھا اس حوالےسے امیتابھ اور ان کے درمیان گزشتہ دوبرسوں سے بات چیت بھی جاری تھی۔

فلم کی کہانی پاکستان اور بھارت کے گرد گھومتی ہے جس  میں امیتابھ بچن کو پاکستانی شخص کا کردار اداکرنا تھا، امیتابھ بچن کو فلم کی کہانی اوراس میں دیا گیا امن کا پیغام بہت پسند آیا تھا اور انہوں نے یہ کردار ادا کرنے کی حامی بھی بھرلی تھی۔ ریسول فلم کی شوٹنگ شروع کرنے کے لیے امیتابھ کی جانب سے تاریخ ملنے کا انتظار کررہے تھے تاہم پاک بھارت حالیہ کشیدگی کے باعث امیتابھ بچن نے فلم سے کنارہ کشی اختیار کرنے کا فیصلہ کرلیاہے۔