پشاور ایئرپورٹ پر نجی ایئرلائن کا طیارہ پھسل گیا

پشاور: شارجہ سے آنے والا نجی ایئرلائن کا طیارہ پشاور ایئرپورٹ پر پھسل گیا۔

ذرائع  کے مطابق پشاور ایئرپورٹ پر نجی ایئرلائن کا طیارہ حادثے سے بچ گیا، شارجہ سے آنے والا طیارہ لینڈنگ کے دوان رن وے پر پھسل گیا تاہم خوش قسمتی سےتمام مسافر محفوظ رہے۔

پرواز میں 150 مسافر سوار تھے جنہیں سول ایوی ایشن کے عملے نے باحفاظت طیارے سے باہر نکالا، حادثے کے بعد ایئرپورٹ کو تمام پروازوں کے لیے بند کردیا گیا۔