ڈیرہ اسماعیل خان پاکستان کا سب سے مہنگا اورلاہورسب سے سستا شہر ہے اسٹیٹ بینک

کوئٹہ میں9.2 ، کراچی میں8.2 فیصد اور اسلام آباد میں مہنگائی 7.6 فیصدریکارڈ کی گئی، اسٹیٹ بنک. فوٹو: فائل

---

اسٹیٹ بینک کی رپورٹ کے مطابق ڈیرہ اسماعیل خان ملک کا سب سے مہنگا اور لاہور سب سے سستا شہر ہے۔

ڈی آئی خان میں مہنگائی کی شرح 13 فیصد اور لاہور میں صرف 5 فیصد ہے۔ اسٹیٹ بینک نے افراط زر کی رپورٹ جاری کردی، افراط زر میں پاکستان کے 40 شہروں میں غذائی اشیا کی قیمتوں کو شامل کیا گیا ہے۔ اسٹیٹ بینک کے مطابق ڈیرہ اسماعیل خان میں جولائی کے دوران مہنگائی کی شرح تقریبا 14 فیصد رہی جبکہ غذائی اشیا کی قیمتوں میں 16.7 فیصد اور غیرغذائی اشیا کی قیمتوں میں12 فیصد اضافہ ہوا۔



افراط زر کے مطابق مہنگائی کے اعتبار سے مٹھی دوسرے نمبر پر رہا جہاں اشیائے خورونوش کی قیمتوں میں 13.2 فیصداضافہ ہوا۔ مردان میں مہنگائی 13 فیصد رہی جبکہ پشاور میں11 ، کوئٹہ میں9.2 ، کراچی میں8.2 فیصد اور اسلام آباد میں مہنگائی 7.6 فیصدریکارڈ کی گئی۔