شاہد آفریدی کے سچ پر گوتم گھمبیر بلبلا اُٹھے

عباس رضا  ہفتہ 4 مئ 2019
شاہد آفریدی نے اپنی کتاب میں گوتم گمبھیر ایک بدمزاج کرکٹر قرار دیا تھا۔

شاہد آفریدی نے اپنی کتاب میں گوتم گمبھیر ایک بدمزاج کرکٹر قرار دیا تھا۔

گوتم گھمبیر نے شاہدآفریدی کو نفسیاتی علاج کروانے کا مشورہ دے دیا۔

بھارت کے سابق اوپننگ بلے باز گوتم گھمبیر کا کہنا ہے کہ پاکستانیوں کو میڈیکل کی بنیاد پر ویزے اب بھی جاری کیے جا رہے ہیں، شاہد آفریدی آئیں، ان کا نفسیاتی علاج کرائیں گے۔

یاد رہے کہ شاہد آفریدی اور گوتم گھمبیر کے میدان کے اندر اور باہر تعلقات کبھی اچھے نہیں رہے، حال ہی میں شائع ہونے والی اپنی سوانح حیات گیم چینجر میں شاہد آفریدی نے کہا تھا کہ گوتم گمبھیر ایک بدمزاج کرکٹر ہیں، ریکارڈز اور شخصیت کسی کام کی نہیں، ایسے لوگوں کو ہم اپنی زبان میں سڑیل کہتے ہیں۔

جواب میں گوتم گھمبیر نے بھی شاہد آفریدی کو آڑے ہاتھوں لیتے ہوئے کہا ہے کہ تم مضحکہ خیز شخصیت کے مالک ہو، پاکستانیوں کو میڈیکل کی بنیاد پر بھارتی ویزے اب بھی مل رہے ہیں، تم آئو میں خود تم کو لے کر ماہر نفسیات کے پاس علاج کیلئے لے کر جاؤں گا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔