افتخار چوہدری جیسے ججز کا بھی احتساب ہونا چاہیے، فواد چوہدری

ویب ڈیسک  ہفتہ 18 مئ 2019
افتخار چوہدری کے صرف 2 فیصلوں پر پاکستان کو ایک ارب 40 کروڑ ڈالر جرمانے کا سامنا ہے، فواد چوہدری فوٹو: فائل

افتخار چوہدری کے صرف 2 فیصلوں پر پاکستان کو ایک ارب 40 کروڑ ڈالر جرمانے کا سامنا ہے، فواد چوہدری فوٹو: فائل

 اسلام آباد: وفاقی وزیر سائنس اور ٹیکنالوجی فواد چوہدری نے کہا ہے کہ افتخار چوہدری جیسے ججز کا بھی احتساب ہونا چاہیے۔

اپنی ایک ٹوئٹ میں فواد چوہدری نے کہا ہے کہ سابق چیف جسٹس پاکستان جسٹس ریٹائرڈ افتخار چوہدری کے صرف 2 فیصلوں کے نتیجے میں وکیلوں کو 100 ملین ڈالر فیسیں ادا کرنے کے بعد اب پاکستان کو ایک ارب 40 کروڑ ڈالر کے جرمانے کا سامنا ہے، احتساب ان جیسے ججز کا بھی ہونا چاہیے۔

وفاقی وزیر نے مزید کہا کہ نالائق جج ایک بہت بڑا عذاب بن جاتا ہے اس لئے ججز کے تقرر کا طریقہ بدلنے کی ضرورت ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔