پاکستان اسٹاک ایکسچینج میں کئی روز کی مندی کے بعد زبردست تیزی

ویب ڈیسک  بدھ 22 مئ 2019
مارکیٹ میں تین ماہ بعد 1 ہزار سے زائد پوائنٹس کا اضافہ فوٹو:فائل

مارکیٹ میں تین ماہ بعد 1 ہزار سے زائد پوائنٹس کا اضافہ فوٹو:فائل

 کراچی: پاکستان اسٹاک ایکسچینج میں کئی روز کی مندی کے بعد زبردست تیزی کا رجحان رہا اور کے ایس ای 100 انڈیکس میں 1195 پوائنٹس کا اضافہ ہوگیا۔

پاکستان اسٹاک ایکسچینج میں گزشتہ دو ہفتے سے جاری مندی کا رجحان ختم ہوگیا اور مارکیٹ میں بہتری آگئی۔

33 ہزار 442 پوائنٹس سے کاروبار کا آغاز ہوا تو تاجروں نے سرمایہ کاری شروع کی۔ ایک وقت میں کے ایس ای 100 انڈیکس 34698 کی سطح تک پہنچ گیا تاہم پھر اس میں قدرے کمی آئی اور کاروبار کے اختتام پر 1195 پوائنٹس اضافے سے 34637 کی سطح پر بند ہوا۔

اس طرح ایک دن میں انڈیکس میں 3.45 فیصد اضافہ ریکارڈ کیا گیا۔ مارکیٹ میں تین ماہ بعد 1 ہزار سے زائد پوائنٹس کا اضافہ ریکارڈ کیا گیا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔