لوئردیرمیں کنویں میں گیس بھر جانے سے 4 افراد جاں بحق

پولیس نے بے ہوش افراد کو نکال کر اسپتال لعل قلعہ پہنچایا جہاں چاروں مزدور دم توڑ گئے فوٹو: فائل

---

لوئردیر تحصیل میدان میں افسوسناک واقعے میں 4 افراد کنویں میں گیس بھر جانے سے جاں بحق ہو گئے۔

تحصیل میدان کے علاقے سر سخاونے میں اکرام کے کنویں میں مزدور صفائی کے کام میں مصروف تھے کہ کنویں میں گیس بھر جانے سے کام کرنے والے چاروں افراد کی حالت غیر ہو گئی، مقامی لوگوں اور تھانہ لعل قلعہ پولیس نے بے ہوش افراد کو کنویں سے نکال کر اسپتال لعل قلعہ پہنچایا جہاں چاروں دم توڑ گئے، جاں بحق ہونے والوں میں عبدالقادر، شیر بہادر، اکرام الحق اور رضوان اللہ شامل ہیں۔