دنیا بھر میں انسٹا گرام کے صارفین کو پریشانی کا سامنا

سماجی رابطے کی مقبول ایپ انسٹا گرام وقفے وقفے سے تعطل کا شکار رہی جس کی وجہ سے صارفین کو شدید کوفت کا سامنا رہا۔

بین الاقوامی خبر رساں ادارے کے مطابق دنیا بھر میں بیشتر علاقوں میں انسٹا گرام صارفین کو اپنے اکاؤنٹس تک رسائی حاصل کرنے میں مشکلات کا سامنا رہا جب کہ جن لوگوں کے اکاؤنٹس لاگ ان ہوگئے وہ بھی تصاویر اور ویڈیوز اپ لوڈ کرنے سے قاصر رہے۔

انسٹا گرام کی سروس جن ممالک میں متاثر ہوئی یا تعطل کا شکار رہی ان میں شمالی امریکا، جنوبی امریکا، یورپی ممالک، ایشیائی ممالک، آسٹریلیا اور نیوزی لینڈ شامل ہیں۔ انسٹاگرام انتظامیہ نے تکنیکی وجوہات کی بنا پر ہونے والی سروس کی معطلی کو جلد از جلد بحال کرانے کی یقین دہانی کرائی ہے۔

We're aware that some people are having trouble accessing their Instagram accounts. We're working quickly to fix the issue. #instagramdown

— Instagram (@instagram) June 13, 2019

دنیا بھر میں سوشل میڈیا ویب پلیٹ فارم کی فراہمی کے تکنیکی معاونت کرنے اور ان کی تقسیم کے طریقہ کار سے واقف ویب سائٹ ڈاؤن ڈٹیکٹر نے دعویٰ کیا کہ مشرقی اور مغربی ساحلوں میں سروس تعطل کا شکار رہی۔ قبل ازیں پلے اسٹیشن کی سروس بھی بند ہوگئی تھی۔

We’re aware that some users are experiencing issues logging into PSN. Thank you for your patience as we investigate: https://t.co/s026QGzJZr

— Ask PlayStation (@AskPlayStation) June 13, 2019

واضح رہے کہ 8 سال قبل شروع ہونے والے سوشل میڈیا کے اس پلیٹ فارم نے دن دگنی اور رات چوگنی ترقی کرتے ہوئے اپنے مخالفین کو پیچھے چھوڑ دیا اور محض 8 سال میں اس کے صارفین کی تعداد 1 بلین سے تجاوز کرگئی ہے۔