مسقط سے 52 پاکستانی شہری ملک بدر کر دیئے گئے

اسلام آباد پہنچنے والے 12 پاکستانی شہریوں کو ایف آئی اے امیگریشن نے حراست میں لے لیا۔ فوٹو:فائل

---

مسقط سے 52 پاکستانیوں کو ملک بدر کردیا گیا جو پی آئی اے کی پرواز 292 کے ذریعے وطن واپس پہنچ گئے۔

ایکسپریس نیوز کے مطابق مسقط سے 52 پاکستانیوں کو ملک بدر کردیا گیا ہے اور نکالے گئے پاکستانی شہری پی آئی اے کی پرواز 292 پر اسلام آباد پہنچ گئے ہیں۔ ملک بدر کیے گئے یہ شہری مسقط میں غیر قانونی طور پر مقیم تھے۔

ذرائع کا کہنا ہے اسلام آباد پہنچنے والے 52 میں سے 12 پاکستانی شہریوں کو ایف آئی اے امیگریشن نے حراست میں لے لیا اور انہیں پاسپورٹ سیل منتقل کردیا ہے جب کہ 40 پاکستانی شہریوں کو سفری دستاویزات کی جانچ پڑتال کے بعد گھر جانے کی اجازت دے دی ہے۔