- چوتھا ٹی ٹوئنٹی: نیوزی لینڈ کے ہاتھوں پاکستان کو مسلسل دوسری شکست
- حماس نے غزہ میں قید اسرائیلی یرغمالی کی نئی ویڈیو جاری کردی
- جامعہ کراچی میں قائم یونیسکو چیئرکے ڈائریکٹر ڈاکٹراقبال چوہدری سبکدوش
- تنزانیہ میں طوفانی بارشیں؛ سیلاب اور لینڈ سلائیڈنگ سے 155 افراد ہلاک
- ججز کو دھمکی آمیز خطوط؛ سپریم کورٹ کا لارجر بینچ 30 اپریل کو سماعت کریگا
- متحدہ عرب امارات کی مارکیٹ میں پاکستانی گوشت کی طلب بڑھ گئی
- زرمبادلہ کے ذخائر میں گزشتہ ہفتے 9 کروڑ 30 لاکھ ڈالر کی کمی
- فوج سے کوئی اختلاف نہیں، ملک ایجنسیز کے بغیر نہیں چلتے، سربراہ اپوزیشن گرینڈ الائنس
- ملک کے ساتھ بہت تماشا ہوگیا، اب نہیں ہونے دیں گے، فیصل واوڈا
- اگر حق نہ دیا تو حکومت گرا کر اسلام آباد پر قبضہ کرلیں گے، علی امین گنڈاپور
- ڈالر کی انٹر بینک قیمت میں اضافہ، اوپن مارکیٹ میں قدر گھٹ گئی
- قومی اسمبلی: خواتین ارکان پر نازیبا جملے کسنے کیخلاف مذمتی قرارداد منظور
- پاکستان نے انسانی حقوق سے متعلق امریکی ’متعصبانہ‘ رپورٹ مسترد کردی
- جب سے چیف جسٹس بنا کسی جج نے مداخلت کی شکایت نہیں کی، چیف جسٹس فائز عیسیٰ
- سائفر کیس؛ مقدمہ درج ہوا تو سائفر دیگر لوگوں نے بھی واپس نہیں کیا تھا، اسلام آباد ہائیکورٹ
- ضلع خیبرمیں سیکیورٹی فورسز کی کارروائی میں تین دہشت گرد ہلاک، دو ٹھکانے تباہ
- عمران خان کی سعودی عرب سے متعلق بیان پر شیر افضل مروت کی سرزنش
- چین: ماڈلنگ کی دنیا میں قدم رکھنے والا 88 سالہ شہری
- یوٹیوب اپ ڈیٹ سے صارفین مسائل کا شکار
- بدلتا موسم مزدوروں میں ذہنی صحت کے مسائل کا سبب قرار
یورپی یونین سے اسٹرٹیجک معاہدہ طے پا گیا، شاہ محمود قریشی
اسلام آباد: وزیرخارجہ مخدوم شاہ محمود قریشی نے کہا ہے کہ پاکستان اور یورپی یونین کے تعلقات پرانے اور گہرے ہیں، یورپی یونین کے ساتھ طویل مذاکرات کے بعد ہمارا اسٹریٹجک پلان پر معاہدہ طے پاگیا ہے، 25 تاریخ کو معاہدے پردستخط ہوں گے۔
یہ بات انہوں نے اتوار کو یہاں برسلز روانگی سے قبل میڈیا سے گفتگو کرتے ہوئے کہی۔ انھوں نے کہاکہ پاکستان اور یورپی یونین کے تعلقات پرانے اورگہرے ہیں اورگا ہے بگاہے ہم ایک دوسرے کی مدد بھی کرتے رہے ہیں اور ایک دوسرے کے ساتھی بھی رہے ہیں، اب انشاء اﷲ مستقبل میں ایک نئی سمت میں آگے بڑھنے کا ارادہ ہے۔ انھوں نے کہاکہ یورپی یونین کے ساتھ طویل مذاکرات کے بعد ہمارا اسٹریٹجک پلان پر معاہدہ طے پاگیا ہے، 25 تاریخ بروز منگل اعلٰی سطح کی عہدیدارفیڈریکا موگرینی کے ساتھ اس معاہدے پر دستخط ہوں گے، اس معاہدے سے پاکستان اور یورپی یونین کے ساتھ طویل المدتی تعاون کا آغاز ہو رہا ہے ، یہ ایک بہت اچھی پیشِ رفت ہے کیوںکہ ہماری خواہش تھی کہ یہ معاہدہ اپنی تکمیل کو پہنچے۔
وزیرخارجہ نے کہا کہ برسلز میں نیٹوکا ہیڈکوارٹر بھی ہے جہاں انھیں جانے کا موقع بھی ملے گا ،نیٹو ہیڈکوارٹرز میں نیٹوکے سیکریٹری جنرل سے بھی ملاقات ہوگی۔ انھوں نے کہاکہ افغانستان کے معاملاتِ میں ہم نے امریکی اور نیٹو فورسز کی بے پناہ مدد بھی کی ہے، دہشت گردی کے خلاف جدو جہد میں ہمارا کلیدی کردار رہا ہے اور نیٹو اسکا معترف بھی ہے۔ انھوں نے کہاکہ ہم سمجھتے ہیں دفاعی اور سیکیورٹی معاملات میں ہمارا نیٹو کے ساتھ ایک تعلق رہا ہے جسے برقرار رکھنے کی ضرورت ہے۔ وزیرخارجہ مخدوم شاہ محمود قریشی برسلزمیں مقامی اور بین الاقوامی میڈیا سے بھی گفتگو کریں گے ، علاوہ ازیں وزیرخارجہ پاکستانی کمیونٹی سے ملاقات اور خطاب کریں گے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔