امیرِ شارجہ کے نوجوان بیٹے انتقال کرگئے تین روزہ سوگ کا اعلان

خالد بن سلطان برطانیہ کے معروف فیشن ڈیزائنر بھی تھے (فوٹو : فائل)

---

شارجہ کے حکمراں ڈاکٹر سلطان بن محمد القاسمی کے صاحبزادے لندن میں انتقال کرگئے۔

بین الاقوامی خبر رساں ادارے کے مطابق شارجہ کے سربراہ شیخ سلطان کے 39 سالہ بیٹے شیخ خالد بن سلطان لندن میں انتقال کرگئے، ان کی میت قانونی کارروائی کے بعد کل متحدہ عرب امارات پہنچنے کی امید ہے۔ شہزادے کی اچانک موت پر شارجہ میں 3 دن سوگ کا اعلان کیا گیا ہے۔

لندن سے میت متحدہ عرب امارات پہنچنے کے بعد نمازہ جنازہ کے انتظامات کیے جائیں گے جب کہ تین دن سوگ کے دوران سرکاری ادراوں میں عام تعطیل ہوں گے اور قومی پرچم سرنگوں رکھے جائیں گے۔

شہزادہ خالد بن سلطان فنون لطیفہ بھی خصوصی دلچسپی رکھتے تھے، وہ شارجہ اربن پلاننگ کونسل کے چیئرمین بھی تھے اور شارجہ آرکیٹیکچر ٹرینیئل کے سربراہی بھی کررہے تھے جب کہ برطانیہ میں معروف فیشن برانڈ قاسمی کے بانی بھی تھے۔

ديوان صاحب السمو #حاكم_الشارقة ينعى المغفور له بإذن الله تعالى الشيخ خالد بن سلطان بن محمد القاسمى نجل صاحب السمو حاكم الشارقة الذى وافته المنية يوم امس الأثنين 28 شوال 1440 هجرية الموافق 1 يوليو 2019 ميلادية فى المملكة المتحدة pic.twitter.com/nL76jyrWU3

— sharjahmedia (@sharjahmedia) July 2, 2019