ہم بھی معجزے کے منتظر ہیں، سرفراز احمد

محمد یوسف انجم  جمعرات 4 جولائی 2019
ٹورنامنٹ کے فارمیٹ میں بہتری گنجائش موجود ہے، سرفراز احمد، فوٹو: فائل

ٹورنامنٹ کے فارمیٹ میں بہتری گنجائش موجود ہے، سرفراز احمد، فوٹو: فائل

پاکستانی کپتان سرفراز احمد نے اعتراف کیا ہے کہ پوری قوم کی طرح ہم بھی معجزے کے منتظر ہیں کیوں کہ معجزہ ہی ہمیں سیمی فائنل میں پہنچاسکتا ہے۔

میچ سے ایک روز قبل پریس کانفرنس میں بھی سرفراز احمد کافی افسردہ نظر آئے، ان کا کہنا تھاکہ جانتے ہیں مشکل ہے مگر کوشش کریں گے، اتنے بڑے مارجن کی توقع نہیں تھی، پانچ سو رنز کرنا آسان نہیں، مگر کوشش کرسکتے ہیں، ویسٹ انڈیز  کے خلاف پرفارمنس سے رن ریٹ خراب ہوا جب کہ آسٹریلیا کے ساتھ میچ ہاتھ سے نکل گیا۔

سرفراز احمد نے کہا کہ فارمیٹ کے بارے کچھ نہیں کہہ سکتے، کچھ سوچ سمجھ کر بنایا گیا ہوگا جو پہلے ہی بتادیا گیا تھا تاہم ٹورنامنٹ کے فارمیٹ میں بہتری گنجائش موجود ہے۔ انہوں نے کہا کہ میری کپتانی کا فیصلہ ورلڈ کپ کے بعد پی سی بی کرے گا ،دل کی خواہش بتا نہیں سکتا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔