لکس اسٹائل ایوارڈز؛ اقرا اوریاسرکے بعد مومنہ مستحسن کوبھی تنقید کا سامنا

کراچی: گلوکارہ مومنہ مستحسن کولکس اسٹائل ایوارڈزمیں ڈانس پرفارمنس پرسوشل میڈیا پر شدید تنقید کا نشانہ بنایا جارہا ہے۔

رواں سال منعقد ہونے والے لکس اسٹائل ایوارڈزاپنے اعلان کے بعد سے ہی تنازع کا شکار بنا ہوا ہے۔ پہلے ایوارڈز کے لیے نامزد ہونے والے فنکاروں نے ہراسانی کے خلاف آواز اٹھاتے ہوئے بائیکاٹ کا اعلان کیا پھر ایوارڈز کی تقریب کے دوران یاسر حسین کے اقرا عزیز کو پرپوز کرنے کے انداز نے نئے تنازع کا روپ دھار لیا اوراب تقریب کے دوران مومنہ مستحسن کی ڈانس پرفارمنس کو تنقید کا نشانہ بنایا جارہا ہے۔

لکس اسٹائل ایوراڈز کی تقریب کا آغاز مومنہ مستحسن کی ڈانس پرفارمنس سے ہوا تاہم مومنہ کی پرفارمنس جوش سے خالی کافی ٹھنڈی محسوس ہوئی۔ پرفارمنس کے دوران مومنہ ڈانس کرنے کے بجائے اسٹیج پراِدھر اُدھر ہلتی ہوئی نظرآئیں۔ سوشل میڈیا صارفین پرجوش پرفارمنس نہ دینے پر مومنہ کوتنقید کا نشانہ بنا رہے ہیں۔

#MominaMustehsan kicks off the night with the performance of roky na woh roky , rocking performance . @MominaMustehsan #LSA #LuxStyleAwards #LSA2019 #LuxStyleAwards2019 #LSA19 pic.twitter.com/wY43NAQsVU

— Showbiz & News (@ShowbizAndNewz) July 7, 2019

ضیا نامی صارف نے مومنہ کے ڈانس کی ویڈیوشیئرکراتے ہوئے لکھا اس طرح کا مواد ہے، جب ہی تو ہمارے ایوارڈز کوئی نہیں دیکھتا۔

https://twitter.com/naziaakhlaq/status/1148500393669857281

منال نامی خاتون نے لکھا یہ دیکھ کر لگ رہا ہے کہ مومنہ ڈانس نہیں کرسکتی اور نہ ہی اسے معلوم ہے کہ ڈانس کیسے کرتے ہیں۔ لیکن ایوارڈ کے ڈائریکٹر سورہے تھے کیا؟ کیوں آپ لوگوں نے مومنہ کو یہ کرنے دیا اور ریہرسل کے دوران آپ کو کیا لگا کہ یہ پرفارمنس چل جائے گی؟

https://twitter.com/ManalFaheemKhan/status/1148293461373833218

ہمانامی صارف نے مومنہ کی پرفارمنس کا مذاق اڑاتے ہوئے لکھا مومنہ ڈانس نہیں کررہی بلکہ اِدھر اُدھر گھوم رہی ہے، یہ راکنگ پرفارمنس ہے؟ یہ اسٹیپس ہم اپنے اسکول میں کیا کرتے تھے، کیا پاگل پن ہے یہ، بس کسی کو بھی سر پر چڑھادو۔

https://twitter.com/hitbyreality/status/1148290270427062272

Momina Mustehsan trying to dance pic.twitter.com/2jo6rBUOHl

— //tollcrane/ (@tollcrane) July 9, 2019