- تاجروں کی وزیراعظم کو عمران خان سے بات چیت کرنے کی تجویز
- سندھ میں میٹرک اور انٹر کے امتحانات مئی میں ہونگے، موبائل فون لانے پر ضبط کرنے کا فیصلہ
- امریکی یونیورسٹیز میں اسرائیل کیخلاف ہزاروں طلبہ کا مظاہرہ، درجنوں گرفتار
- نکاح نامے میں ابہام یا شک کا فائدہ بیوی کو دیا جائےگا، سپریم کورٹ
- نند کو تحفہ دینے کا سوچنے پر ناراض بیوی نے شوہر کو قتل کردیا
- نیب کا قومی اسمبلی سیکریٹریٹ میں غیر قانونی بھرتیوں کا نوٹس
- رضوان کی انجری سے متعلق بڑی خبر سامنے آگئی
- بولتے حروف
- بغیر اجازت دوسری شادی؛ تین ماہ قید کی سزا معطل کرنے کا حکم
- شیر افضل کے بجائے حامد رضا چیئرمین پبلک اکاؤنٹس کمیٹی نامزد
- بیوی سے پریشان ہو کر خودکشی کا ڈرامہ کرنے والا شوہر زیر حراست
- 'امن کی سرحد' کو 'خوشحالی کی سرحد' میں تبدیل کریں گے، پاک ایران مشترکہ اعلامیہ
- وزیراعظم کا کراچی کے لیے 150 بسیں دینے کا اعلان
- آئی سی سی رینکنگ؛ بابراعظم کو دھچکا، شاہین کی 3 درجہ ترقی
- عالمی و مقامی مارکیٹ میں سونے کی قیمت میں اضافہ
- سویلین کا ٹرائل؛ لارجر بینچ کیلیے معاملہ پھر پریکٹس اینڈ پروسیجر کمیٹی کو بھیج دیا گیا
- رائیونڈ؛ سفاک ملزمان کا تین سالہ بچے پر بہیمانہ تشدد، چھری کے وار سے شدید زخمی
- پنجاب؛ بےگھر لوگوں کی ہاؤسنگ اسکیم کیلیے سرکاری زمین کی نشاندہی کرلی گئی
- انٹرنیشنل ہاکی فیڈریشن نے پی ایچ ایف کے دونوں دھڑوں سے رابطہ کرلیا
- بلوچ لاپتا افراد کیس؛ معلوم ہوا وزیراعظم کے بیان کی کوئی حیثیت نہیں، اسلام آباد ہائیکورٹ
اردو ڈکشنری بورڈ، 22 جلدوں پر مشتمل اردو لغت کا مختصر ورژن تیار
کراچی: وفاقی حکومت کے ادارے ’’اردو ڈکشنری (لغت) بورڈ‘‘ نے 22 جلدوں اور ہزاروں صفحات پر مشتمل اردو لغت کو دو جلدوں پرمنتقل کر کے ’’مختصراردولغت‘‘ کے نام سے مختصر ( concise) ڈکشنری تیار کر لی ہے۔
جس کی پہلی جلد شائع ہوچکی اور دوسری اشاعت کے مرحلے میں ہے جبکہ 22 جلدوں پر مشتمل اردولغت کی موبائل فون اپلیکشن کی تکمیل کرتے ہوئے تلفظ (pronunciation) کے لیے اس میں باقاعدہ آواز (اسپیکر) کا آپشن بھی شامل کر دیا ہے۔ اردو لغت کی موبائل اپلیکیشن میں سائونڈ کاآپشن ’’اسپیکر‘‘ شامل کیے جانے کے بعد محض 4 ماہ میں اپلیکیشن استعمال کرنے والوں کی تعداد 15ہزارسے بڑھ کر 85 ہزارتک جا پہنچی ہے۔
ادھروفاقی وزارت براڈکاسٹنگ کے تحت قائم قومی تاریخ وادبی ورثہ ڈویژن کے ماتحت ادارے اردوڈکشنری بورڈکی جانب سے تیارکی گئی مختصر اردو لغت میں بعض الفاظ کے اضافے کے ساتھ ساتھ کچھ پرانے الفاظ کے معنوں میں نئی جہتوں کا اضافہ کر دیا گیا ہے جبکہ کچھ وہ الفاظ بھی شامل کیے گئے ہیں جوگذشتہ دہائیوں میں 22 جلدوں کی تیاری اوراشاعت کے وقت بول چال میں شامل تھے تاہم لغت میں شامل ہونے سے رہ گئے تھے۔
اردولغت بورڈ کے مدیراعلیٰ (ایڈیٹر انچیف) عقیل عباس جعفری نے ’’ایکسپریس‘‘کو بتایا کہ عقیل عباس جعفری نے بتایاکہ مختصر اردو لغت میں شامل کیے گئے اضافی الفاظ میں ’’ سہولت کار، بھتا، ابلاغ عامہ،احتیاطی تدابیر، اخبار نویسی، اختلاف رائے، اختلافات،ارض وسما، استصواب رائے،اعدادوشمار اورافسانوی‘‘سمیت دیگرالفاظ شامل ہیں۔
اردو لغت بورڈ کے مدیراعلیٰ عقیل عباس جعفری کے مطابق اردولغت کی اپلیکیشن پرگذشتہ برس مارچ 2018 میں کام شروع ہواتھا اور2لاکھ 60 ہزارالفاظ کی علیحدہ علیحدہ فائلیں بنائی گئیں جبکہ دوسرے مرحلے میں ہرلفظ پر علیحدہ علیحدہ اسپیکر لگایا گیا۔ انھوں نے بتایاکہ ’’وائس آرٹس‘‘ کے انتخاب کے لیے شکیل عادل زادہ اوررضاعلی عابدی پر مشتمل ایک علیحدہ کمیٹی بنائی گئی جنھوں نے 7 افرادکاآڈیشن لے کر ان میں سے تحسین فاطمہ کاانتخاب کیا اوراردولغت بورڈکی اس اپلیکیشن پر تلفظ کی ادائیگی کے لیے ان کی آوازشامل کی گئی ہے۔
اپلیکیشن کا لنک ادارے کی ویب سائٹ www.udb.gov.pkپربھی موجود ہے۔ اپلیکیشن کی تیاری کے لیے مجموعی طورپر 2کروڑ 46 لاکھ روپے کے اخراجات آئے جن میں 1 کروڑ 32 لاکھ روپے محض الفاظ اوران کے معنی کے لیے پہلے مرحلے میں جبکہ اسپیکرکے دوسرے مرحلے کے لیے 1 کروڑ 14 لاکھ روپے خرچ کیے گئے۔ انھوں نے بتایاکہ 22 جلدوں پر مشتمل اردولغت کوسی ڈیز میں منتقل کرنے کے کام کاآغاز بھی ہوچکا ہے۔
دوسری جانب جب ان سے ادارے کی صورتحال پرسوال کیا گیا تو انھوں نے انکشاف کیاکہ اردو لغت بورڈمیں مختلف گریڈ کی 55اسامیوں میں سے 29خالی ہیں، یہ افراد ریٹائر ہو چکے ہیں، صرف 26افرادکام کر رہے ہیں اوران 26میں سے بھی صرف 5 افراد اسکالرز کی اسامیوں پر لغت کاکام کررہے ہیں، باقی تمام افراد مختلف گریڈزکے آفس ورکرزہیں ۔ وفاقی حکومت کی جانب سے خالی اسامیوں کی تفصیلات تومانگی گئی ہیں تاہم ان پر بھرتیوںکے لیے ابھی کوئی اقدام سامنے نہیں آیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔