’’طیفا ان ٹربل‘‘ جیکی چن فلم فیسٹیول میں بہترین ایکشن فلم کیلئے نامزد

علی ظفر فیسٹیول میں بہترین ایکشن ہیرو کے لیے نامزد ہیں فوٹوفائل

---

گزشتہ برس ریلیز ہونے والی علی ظفر کی ایکشن کامیڈی فلم''طیفا ان ٹربل'' کو جیکی چن ایکشن فلم فیسٹیول میں بہترین ایکشن فلم کےلیے نامزد کیا گیا ہے۔

نامور گلوکارواداکار علی ظفر اور مایا علی کی کامیاب فلم ''طیفا ان ٹربل'' کو چین کے صوبہ شانشی میں منعقد ہونے والے پانچویں جیکی چن انٹرنیشنل ایکشن فلم فیسٹیول میں بہترین ایکشن فلم کے لیے نامزد کیاگیا ہے۔ ''طیفا ان ٹربل'' کے ہیرو علی ظفر نے ٹوئٹر پر شائقین کو آگاہ کرتے ہوئے کہا کہ وہ جیکی چین ایکشن فلم فیسٹیول میں پاکستان کی نمائندگی کے لیے چین میں موجود ہیں۔

Today we’ll be representing Pakistan in one of the most prestigious international film festivals “Jackie Chan Action Film Festival” where #TeefainTrouble is nominated in category of “Best Action film”, @theotherahsan in “Best Action Director” and myself in “Best Action Hero”. pic.twitter.com/cGOzo2oYru

— Ali Zafar (@AliZafarsays) July 27, 2019

علی ظفر نے یہ بھی بتایا کہ فیسٹیول میں نہ صرف ان کی فلم بہترین فلم کے لیے نامزد ہے بلکہ فلم کے ہدایت کار احسن رحیم بہترین ایکشن ہدایت کاراور وہ خود بہترین ایکشن ہیرو کے لیے نامزد ہیں۔

اس خبرکوبھی پڑھیں: 'طیفا ان ٹربل' کا 50 کروڑ سے زائد کا بزنس

واضح رہے کہ اس فلم فیسٹیول میں چین اور بیرون ممالک کی ایکشن فلموں کی نمائش کی جاتی ہے اور دنیا بھر سے شرکت کرنے والے فلمسازوں اور فلموں کو ''آئرن مین ایوارڈز''سے نوازاجاتا ہے۔