مویشی منڈی جانیوالے راستوں پر لوٹ مار بڑھ گئی تحفظ کے دعوے دھرے رہ گئے

پولیس مویشی منڈی جانے والے شہریوں کو تحفظ فراہم کرنے میں ناکام ہوگئی۔فوٹو: فائل

---

پولیس مویشی منڈی جانے والے شہریوں کو تحفظ فراہم کرنے میں ناکام ہوگئی،سہراب گوٹھ سے مویشی منڈی تک پولیس اہلکار غائب ہیں جبکہ راستے میں پولیس چوکیاں بھی قائم نہیں کی جاسکی ہیں۔

ْمسلح موٹر سائیکل سوار منڈی جانے والی گاڑیوں کو سپر ہائی وے سے دائیں اور بائیں ویران علاقوں میں لے جا کر شہریوں کو نقدی سے محروم کرنے لگے، منڈی کے قیام کے وقت پولیس کے شہریوں کے تحفظ دینے کے دعوے دھرے رہ گئے، تفصیلات کے مطابق ایسٹ زون پولیس مویشی منڈی جانے والے شہریوں کو تحفظ فراہم کرنے میں ناکام ہوگئی،ہفتہ کی شب لیا قت آباد سے مویشی منڈی سوزوکی پک اپ میں جانے والے8 افراد کو 2 موٹر سائیکلوں پر سوار کلاشنکوف بردار ملزمان نے یرغمال بنا کر سپر ہائی وے سے 2 کلومیٹر اندر ویرانے میں لے جا کر ڈیڑھ لاکھ روپے اور پچا س ہزار روپے ما لیت کے موبا ئل فونز چھین لیے اور ڈیڑھ گھنٹے تک یرغمال بنائے رکھا۔



لٹنے والے شاہ زیب نے بتایا کہ موٹر سا ئیکلوں پر سوار 4 افراد میں سے 3 کے پاس کلاشنکوف تھی جنھوں نے سپر ہائی وے پر سوزوکی کے سامنے موٹر سا ئیکلیں لاکر گاڑی رکوائی ، ایک ملزم ڈرائیور کے ساتھ جبکہ ایک سوزوکی میں پیچھے آگیا، دیگر 2 موٹر سا ئیکلوں پر سا تھ چلتے رہے،سپر ہا ئی وے سے 2 کلومیٹر اندر ویران علاقے میں انھیں لوٹنے کے بعد جان سے مارنے کی دھمکیا ں بھی گئیں،ایسٹ زون پولیس نے مویشی منڈی کے قیام کے وقت دعویٰ کیا تھا کہ منڈی جانے والے شہریوں کو تحفظ فراہم کرنے کے لیے پولیس کی بھاری نفری تعینات کی جائے گی بلکہ موبا ئل گشت میں بھی اضا فہ کیا جا ئے گا ، شہریوں کا کہنا ہے کہ مویشی منڈی کے اندر تو سیکیورٹی کے سخت اقداما ت کیے گئے ہیں تا ہم سہراب گوٹھ اور ایوب گوٹھ کے راستے سے جانے والے شہریوں کی حفا ظت کے لیے کوئی اقدامات نہیں کیے گئے جس سے لوٹ مار کی وارداتیں بڑھ گئی ہیں، شہریوں نے آئی جی سندھ سے اپیل کی ہے کہ وہ مویشی منڈی جانے والے راستے پر سیکیورٹی کے اقدامات کریں۔