کشمیر بھارت کا ایک اور چندریان ہوگا جس کی قیمت کئی گنا زیادہ ہوگی فواد چوہدری

لوک سبھا کو مودی سے سوال پوچھنا چاہئیے کہ آخر غریب عوام کے 900 کروڑ روپے کہاں ضائع کردئیے؟ فواد چوہدری فوٹوفائل

---

بھارت کے چاند مشن ''چندریان2'' کی ناکامی پر وزیر سائنس و ٹیکنالوجی فواد چوہدری نے کہا ہے کہ کشمیر بھارت کا ایک اور چندریان ہوگا جس کی قیمت اس منصوبے سے کئی گنا زیادہ ہوگی۔

بھارت کے چاند پر اترنے کے دوسرے مشن کی ناکامی پر بھارتی اس حد تک مایوس ہوگئے ہیں کہ وزیرسائنس و ٹیکنالوجی فواد چوہدری کو اس خلائی مشن کی ناکامی کا ذمہ دار قراردے رہے ہیں۔ فواد چوہدری بھی کسی سے کم نہیں انہوں نے بھارتیوں کو آڑے ہاتھوں لیتے ہوئے کہا ہے کہ خلائی مشن کی ناکامی پر بھارتیوں کے ردعمل سے حیران ہوں جو مجھے اس مشن کی ناکامی کا ذمہ دار قراردے رہے ہیں۔ بھائی ہم نے کہاتھا 900 کروڑ لگاؤ ان نالائقوں پر؟ اب صبر کرو اور سونے کی کوشش کرو۔

Surprised on Indian trolls reaction, they are abusing me as I was the one who failed their moon mission, bhai hum ne kaha tha 900 crore lagao in nalaiqoon per? Ab sabr kero aur sonah ki koshish kero #IndiaFailed

— Ch Fawad Hussain (@fawadchaudhry) September 6, 2019

ایک اور ٹوئٹ میں فواد چوہدری نے چاند پر اترنے کے مشن میں فیل بھارتی سائنسدانوں کو پچکارتے ہوئے کہا ''جو کام آتا نہیں پنگا نہیں لیتےنا، ڈیئر اینڈیا''۔ فواد چوہدری نے بھارتیوں کے ناکام مشن پر دلچسپ انداز اپناتے ہوئے انڈیا کو ''اینڈیا'' لکھا جس کے اردو میں معنی اختتام کے ہیں۔

Awwwww..... Jo kaam ata nai panga nai leitay na..... Dear “Endia” https://t.co/lp8pHUNTBZ

— Ch Fawad Hussain (@fawadchaudhry) September 6, 2019

ایک بھارتی سوشل میڈیا صارف نے چندریان2 کے حوالے سے ٹوئٹ کیا کہ وہ بے چینی سے اسرو کے اعلان کا منتظر ہے جس پر فواد چوہدری نے ناکام مشن پر طنز کرتے ہوئے کہا ''سوجا بھائی چاند کی بجائے ممبئی میں اترگیا کھلونا''۔

So ja Bhai moon ki bajaye Mumbai mein utar giya khilona #IndiaFailed https://t.co/RPsKXhCFCM

— Ch Fawad Hussain (@fawadchaudhry) September 6, 2019

فواد چوہدری نے اس موقع پر نریندر مودی کو بھی نشانہ بنایا۔ فواد چوہدری نے کہا مودی جی نے سیٹلائٹ کمیونی کیشن میں اس طرح بھاشن دیاتھا جیسے وہ سیاستدان نہیں بلکہ ایک خلانورد ہوں۔ لوک سبھا کو اس وقت ان سے سوال پوچھنا چاہئیے کہ آخر غریب عوام کے 900 کروڑ روپے کہاں ضائع کردئیے؟

Modi g is giving Bhashan on Sattelite communication as he is actually an astronaut and not politician, Lok Sabha shld ask him QS on wasting 900 crore Rs of a poor nation... https://t.co/48u0t6KatM

— Ch Fawad Hussain (@fawadchaudhry) September 6, 2019

واضح رہے کہ چاند پر لینڈینگ کا منظر دیکھنے کے لیے مودی اسپیس ایجنسی کے ہیڈکوارٹر میں موجود تھے، تاہم طویل انتظار کے بعد جب چندریان 2 کی کوئی اطلاع موصول نہیں ہوئی اور سگنل منقطع ہوگیا تھا تو اس ناکامی پر مودی مایوسی سے کنٹرول روم سے چلے گئے تھے اس پر فواد چوہدری نے مزے لیتے ہوئے کہا ''اُف میں نے یہ لمحہ مس کردیا۔''

Ufff really I missed that great moment #IndiaFailed https://t.co/pxKQQABVuF

— Ch Fawad Hussain (@fawadchaudhry) September 6, 2019

فواد چوہدری نے ایک اور ٹوئٹ میں چاند پر اترنے کے بھارتی مشن کی ناکامی اور ابھی نندن کی پاکستان میں ناکامی کو آپس میں جوڑتے ہوئے کہا ''ہندوستان کو مشورہ ہے، بغیر سوچے سمجھے چندریان جیسے مشن بنانے یا ابھی نندن جیسوں کو لائن آف کنٹرول پار چائے پینے بھیجنے جیسے منصوبوں پر پیسہ لٹانے کی بجائے اپنے لوگوں کو غربت سے باہر نکالنے پر پیسے لگائیں، کشمیر بھارت کا ایک اور چندریان ہوگا جس کی قیمت چندریان سے کئی گنا زیادہ ہوگی۔''

ہندوستان کو مشورہ ہے،بغیر سوچے سمجھے چندرائین جیسے مشن بنانے یا ابھینندن جیسوں کو لائن آف کنٹرول پار چائیے پینے بھیجنے جیسے منصوبوں پر پیسہ لٹانےکی بجائے اپنے لوگوں کوغربت سے باہر نکالنے پر پیسے لگائیں، کشمیر بھارت کا ایک اور چندرائین ہو گااوررقیمت چندرائین سے کئ گنا زیادہ ہوُگی۔

— Ch Fawad Hussain (@fawadchaudhry) September 7, 2019