عمر گل نے عامر اور وہاب کی ٹیسٹ سے رخصتی کو جلد بازی قرار دے دیا

اسپورٹس رپورٹر  بدھ 18 ستمبر 2019
دونوں کھلاڑیوں کو چار روزہ کرکٹ ضرور کھیلنی چاہیے، اس سے پلیئرزکا ردھم اور فٹنس برقرار رہ سکتی ہے، فاسٹ بولر۔ فوٹو: فائل

دونوں کھلاڑیوں کو چار روزہ کرکٹ ضرور کھیلنی چاہیے، اس سے پلیئرزکا ردھم اور فٹنس برقرار رہ سکتی ہے، فاسٹ بولر۔ فوٹو: فائل

کراچی:  پاکستانی فاسٹ بولر عمر گل نے محمد عامر اور وہاب ریاض کی ٹیسٹ کرکٹ سے رخصتی کو جلد بازی قرار دے دیا۔

یو بی ایل اسپورٹس کمپلیکس کراچی میں میڈیا سے گفتگو کرتے ہوئے عمر گل نے کہاکہ دونوں  فاسٹ بولرز نے ٹیسٹ کرکٹ کو جلد خیربادکہہ دیا، وہاب ریاض اور محمد عامر نوجوان بولرز کے لیے رول ماڈل کا کردار ادا کرسکتے تھے۔

عمر گل نے مزید کہا کہ ان دونوں کھلاڑیوں کو چار روزہ کرکٹ ضرور کھیلنی چاہیے، اس سے پلیئرزکا ردھم اور فٹنس برقرار رہ سکتی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔