برطانوی شاہی جوڑے کا دورہ چترال

چترال: برطانوی شہزادہ ولیم اور شہزادی کیٹ مڈلٹن پاکستان کے دورے کے تیسرے روز خیبر پختونخوا کے علاقے چترال پہنچ گئے۔

شہزادہ ولیم اور شہزادی کیٹ مڈلٹن نے چترال میں مقامی افراد سے ملاقاتیں کیں اور وہ خصوصی ثقافتی شو میں بھی شرکت کریں گے۔ شہزادی کیٹ نے ساس شہزادی ڈیانا  کے نقش قدم پر چلتے ہوئے مور کے پروں سے سجی خوبصورت چترالی ٹوپی پہن رکھی ہے۔

یہ بھی پڑھیں: وزیراعظم اور صدر سے برطانوی شاہی جوڑے کی ملاقات

1991 میں شہزادی ڈیانا نے بھی چترال کا دورہ کیا تھا۔ اس موقع پر انہوں نے پرندے کے پر سے سجی روایتی چترالی ٹوپی پہنی تھی۔

British Royal couple, Duke and Duchess of Cambridge #PrinceWilliam & #KateMiddleton arrive in #Chitral. #RoyalVisitPakistan #RoyaltourPakistan #royalcouple pic.twitter.com/piyFpoaSxg

— Radio Pakistan (@RadioPakistan) October 16, 2019

برطانوی شاہی جوڑا پیر کو پاکستان پہنچا ہے اور 18 اکتوبر کو وطن واپس روانہ ہوگا۔ شاہی مہمان لاہور کا دورہ بھی کریں گے۔ گزشتہ 10 سال میں کسی برطانوی شاہی جوڑے کا یہ پہلا دورہ پاکستان ہے۔

https://twitter.com/PTIofficial/status/1184340802689994752