- فیصل واوڈا نے عدالتی نظام پر اہم سوالات اٹھا دیئے
- پاکستان کو آئی ایم ایف سے قرض کی نئی قسط 29 اپریل تک ملنے کا امکان
- امریکی اکیڈمی آف نیورولوجی نے پاکستانی پروفیسر کو ایڈووکیٹ آف دی ایئر ایوارڈ سے نواز دیا
- کوہلو میں خراب سیکیورٹی کے باعث ری پولنگ نہیں ہوسکی
- 9 ماہ کے دوران 9.8 ارب ڈالر کا قرض ملا، وزارت اقتصادی امور ڈویژن
- نارووال: بارات میں موبائل فونز سمیت قیمتی تحائف کی بارش
- کراچی کے مختلف علاقوں میں زلزلے کے جھٹکے
- کوئٹہ: برلن بڈی بیئر چوری کے خدشے کے پیش نظر متبادل جگہ منتقل
- گجرات میں اسپتال کی چھت گرنے سے خاتون سمیت تین افراد جاں بحق
- سعودی فرمانروا طبی معائنے کیلیے اسپتال میں داخل
- امریکی سیکریٹری اسٹیٹ سرکاری دورے پر چین پہنچ گئے
- ہم یہاں اچھی کرکٹ کھیلنے آئے ہیں، جیت سے اعتماد ملا، مائیکل بریسویل
- پچھلے میچ کی غلطیوں سے سیکھ کر سیریز جیتنے کی کوشش کرینگے، بابراعظم
- امریکا میں ٹک ٹاک پر پابندی کا بل سینیٹ سے بھی منظور
- محمد رضوان اور عرفان خان کو نیوزی لینڈ کے خلاف آخری دو میچز میں آرام دینے کا فیصلہ
- کے ایم سی کا ٹریفک مسائل کو حل کرنے کیلئے انسداد تجاوزات مہم کا فیصلہ
- موٹروے پولیس اہلکار کو روندنے والی خاتون گرفتار
- ہندو جیم خانہ کیس؛ آپ کو قبضہ کرنے نہیں دیں گے، چیف جسٹس کا رمیش کمار سے مکالمہ
- بشری بی بی کو کچھ ہوا تو حکومت اور فیصلہ سازوں کو معاف نہیں کریں گے، حلیم عادل شیخ
- متحدہ وفد کی احسن اقبال سے ملاقات، کراچی کے ترقیاتی منصوبوں پر تبادلہ خیال
پاکستانی اداکاراؤں کوکیٹ مڈلٹن سے کپڑے پہننا سیکھنا چاہیئے؛ سوشل میڈیا پرنئی بحث
شاہی جوڑے کی پاکستان آمد اوربرطانوی شہزادی کے پاکستانی لباس کی میڈیا پربے حد تعریف کی جارہی ہے تاہم کیٹ مڈلٹن کے مشرقی لباس نے سوشل میڈیا پر نئی بحث کا آغازکردیا ہے۔ صارفین کیٹ مڈلٹن کے لباس اورپاکستانی اداکاراؤں کے لباس کا موازنہ کرتے ہوئے کہہ رہے ہیں کہ ہماری اداکاراؤں کوبرطانوی شہزادی سے لباس پہننے کا طریقہ سیکھنا چاہیئے۔
دلوں کی ملکہ لیڈی ڈیانا کے بیٹے شہزادہ ولیم اپنی اہلیہ ڈچز آف کیمبرج کیٹ مڈلٹن کے ہمراہ تین روز قبل پاکستان پہنچے۔ برسوں بعد لیڈی ڈیانا کے بیٹے اوربہوکی پاکستان آمد کے باعث پورا ملک خوش دکھائی دیا اورلوگوں نے نہایت خوشدلی سے شاہی جوڑے کا استقبال کیا۔
اس موقع پر کیٹ مڈلٹن کے اندازاوران کے پُروقار لباس نے بھی پاکستانی عوام کے دل جیت لیے اور گزشتہ 3 روز سے سوشل میڈیا پرکیٹ مڈلٹن کے پاکستانی لباس ہی چھائے ہوئے ہیں۔
کیٹ مڈلٹن جب سے پاکستان آئی ہیں انہوں نے صرف مشرقی طرزکے لباس ہی زیب تن کیے ہیں اور بلاشبہ وہ ہر لباس میں بے انتہا خوبصورت دکھائی دی ہیں۔
تاہم کیٹ مڈلٹن کے مشرقی اندازکے لباس کی جہاں تعریف کی جارہی ہے وہیں ان کے انداز نے سوشل میڈیا پر نئی بحث کا آغاز کردیا ہے اور لوگ برطانوی شہزادی کے لباس کا موازنہ پاکستانی اداکاراؤں کے لباس سے کرتے ہوئے کہہ رہے ہیں کہ ہماری اداکاراؤں کو شہزادی سے لباس پہننا سیکھنا چاہیئے۔
زاہد جمال نامی صارف نے سوشل میڈیا پر کیٹ مڈلٹن کی شلوارقمیض اور مشرقی انداز کے لباس میں ملبوس تصویر کے ساتھ ماہرہ خان کی مغربی انداز کے لباس میں تصویر شیئرکی ۔ ماہرہ تصویر میں سفید رنگ کی مختصر فراخ پہنے ہوئے ہیں جب کہ اس لباس میں ان کا تقریباً آدھا جسم واضح ہورہا ہے۔ اس تصویرکے ساتھ زاہد جمال نے پیغام دیتے ہوئے لکھا صرف ایک ڈوپٹہ یاچادر کسی بھی خاتون کو پُروقار بنادیتا ہے۔
https://twitter.com/zahidjamal345/status/1184160487107371008
طلحہ عباسی نامی صارف نے کیٹ مڈلٹن کی پاکستان میں پہنے جانے والے لباس کی تصاویر کے ساتھ مہوش حیات کی تصاویر شیئر کیں جن میں مہوش حیات ڈانس ریہرسل کے دوران مختصر لباس پہنے نظر آرہی ہیں۔ تصویر کے ساتھ درج پیغام میں لکھا نظر آرہا ہے ایک برطانوی خاتون ہماری ثقافت کا احترام کرتے ہوئے۔
https://twitter.com/Talhaabbasi173/status/1184202331811909635
شعیب رحمان نامی صارف نے کیٹ مڈلٹن، شہزادہ ولیم ، لیڈی ڈیانا اور جمائما خان کی تصاویرشیئر کیں ان تصاویر میں یہ تمام خواتین شلوار قمیض اور ڈوپٹے میں نظر آرہی ہیں جب کہ دوسری طرف ماہرہ خان اور ریحام خان کی مغربی لباس میں تصاویر نظر آرہی ہیں۔ شعیب نے لکھا فرق دیکھیں جب غیر ملکی خواتین پاکستانی آتی ہیں اورجب پاکستانی خواتین دوسرے ممالک میں جاتی ہیں۔
Difference
Whn foreigner in Pakistan and Pakistani in Foreign country. #RoyalsVisitPakistan pic.twitter.com/OgGcKXLeBL— Shuaib RehmanⓂ (@ShuaibRehmaan) October 15, 2019
محمد رضوان خان نامی صارف نے کیٹ مڈلٹن اورشہزادہ ولیم کی تصویر کے ساتھ یاسرحسین اور اقرا عزیز کی امریکا میں لی گئی تصویرشیئر کی، جس میں اقرا مختصر فراخ پہنے ہوئی ہیں اور یاسر حسین بھی شارٹس میں نظر آرہے ہیں۔
Now i know meaning of ulti ganga.#RoyalsVisitPakistan pic.twitter.com/OjhkLZDxP3
— Muhammad Rizwan Khan (@Mrizkhan001) October 15, 2019
سوشل میڈیا پرچل رہی اس بحث پراداکارہ منشا پاشا خود کو روک نہیں پائیں اور انہوں نے کیٹ مڈلٹن کا موازنہ پاکستانی اداکاراؤں سے کرنے پرسوشل میڈیا صارفین کو آڑے ہاتھوں لیتے ہوئے کہا مجھے کیٹ مڈلٹن کو پاکستانی کپڑوں میں دیکھ کر بہت اچھا لگ رہا ہے لیکن یہ پڑھ کرکوفت ہورہی ہے کہ ’’پاکستانی اداکاراؤں کو کیٹ مڈلٹن سے کپڑے پہننا سیکھنا چاہیئے‘‘۔ کسی گورے سے احساس کمتری میں مبتلا ہونے کا یہ مطلب نہیں کہ آپ پاکستانی اداکاراؤں پرتنقید شروع کردیں۔ کیٹ مڈلٹن کا تعلق شاہی خاندان سے ہے اورانہیں اسی طرح پروٹوکول کے مطابق لباس پہننا پڑتا ہے، ان کے لباس ان کے پروٹوکول کا حصہ ہیں۔
As much as im loving seeing Kate Middleton in desi outfits, its getting tiring to read "Pak actresses ko in se kapray pehna seekhna chahiye."
Gora complex doesnt mean u start criticising Pakistani actresses P.S. shes a royal and thus has to dress as per protocol.— manshapasha (@manshapasha) October 15, 2019
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔