عراق بارودی ٹرک اور 11 کار بم دھماکے 60 افراد ہلاک سیکڑوں زخمی

بغداد کے شیعہ اکثریتی علاقوں میں ہونیوالے دھماکوں میں 120 سے زائد زخمی بھی ہوئے. فوٹو: اے ایف پی/ فائل

---

عراق میںبارود سے بھرے ٹرک اور 11کاربم دھماکوںمیں 60افراد ہلاک اور سیکڑوں زخمی ہوگئے۔

عراقی پولیس کے مطابق موصل کے گائوں الموافقیہ میں بارود سے بھرے ایک ٹرک کے دھماکے سے تباہی پھیل گئی۔ دھماکے سے آبادی کے کئی مکانات زمیں بوس ہوگئے۔ تباہ ہونے والے گھروںکے ملبے تلے کئی لوگ دب گئے۔ دہشت گردی کایہ واقعہ صبح سویرے پیش آیا۔ دھماکے کے نتیجے میں 50سے زائدافراد زخمی بھی ہوئے۔



ریسکیو اہلکاروں کے مطابق زخمیوں کو اسپتال منتقل کر دیا گیا۔ کئی زخمیوں کی حالت تشویشناک ہے۔ دارالحکومت بغدادمیں شیعہ اکثریتی علاقوں میں کم ازکم 11کاربم دھماکوں میں بڑے پیمانے پر جانی نقصان کے علاوہ 120سے زائدزخمی ہوئے ہیں۔ زخمیوںکو فوری طورپر مختلف اسپتالوں میںداخل کرادیا گیاہے۔ کسی گروپ نے دھماکوںکی ذمے داری قبول نہیں کی۔