- غیرمتعلقہ پاسپورٹ برآمد ہونے پر پی آئی اے کی ایئر ہوسٹس کینیڈا میں گرفتار
- اگلے ماہ مہنگائی کی شرح کم ہو کر 21 سے 22 فیصد کے درمیان رہنے کا امکان
- اقتصادی بحالی اور معاشی نمو کے لیے مشاورتی تھنک ٹینک کا قیام
- اے ڈی ایچ ڈی کی دوا قلبی صحت کے لیے نقصان دہ قرار
- آصفہ بھٹو زرداری بلامقابلہ رکن قومی اسمبلی منتخب
- پشاور: 32 سال قبل جرگے میں فائرنگ سے نو افراد کا قتل؛ مجرم کو 9 بار عمر قید کا حکم
- امیرِ طالبان کا خواتین کو سرعام سنگسار اور کوڑے مارنے کا اعلان
- ماحول میں تحلیل ہوکر ختم ہوجانے والی پلاسٹک کی نئی قسم
- کم وقت میں ایک لیٹر لیمو کا رس پی کر انوکھے ریکارڈ کی کوشش
- شام؛ ایئرپورٹ کے نزدیک اسرائیل کے فضائی حملوں میں 42 افراد جاں بحق
- انٹربینک اور اوپن مارکیٹ میں ڈالر کے مقابلے میں روپیہ مزید مضبوط
- پی ٹی آئی قانونی ٹیم کا چیف جسٹس اور جسٹس عامر فاروق سے استعفی کا مطالبہ
- اہم چیلنجز کا سامنا کرنے کیلیے امریکا پاکستان کے ساتھ کھڑا رہے گا، جوبائیڈن کا وزیراعظم کو خط
- عالمی اور مقامی مارکیٹوں میں سونے کی قیمت میں بڑا اضافہ ہوگیا
- اسٹاک مارکیٹ میں اتار چڑھاؤ کے بعد مندی، سرمایہ کاروں کے 17ارب ڈوب گئے
- پشاور بی آر ٹی؛ ٹھیکیداروں کے اکاؤنٹس منجمد، پلاٹس سیل کرنے کے احکامات جاری
- انصاف کے شعبے سے منسلک خواتین کے اعداد و شمار جاری
- 2 سر اور ایک دھڑ والی بہنوں کی امریکی فوجی سے شادی
- وزیراعظم نے سرکاری تقریبات میں پروٹوکول کیلیے سرخ قالین پر پابندی لگادی
- معیشت کی بہتری کیلیے سیاسی و انتظامی دباؤبرداشت نہیں کریں گے، وزیراعظم
آسٹریلیا اے سے ٹور میچ؛ بابر اعظم اور اسد شفیق کی سنچریاں
پرتھ: آسٹریلیا ’اے‘ کیخلاف بابراعظم اور اسد شفیق نے ہاتھ صاف کرلیا، دونوں نے ناقابل شکست سنچریاں جڑدیں جب کہ سہ روز میچ کے ابتدائی روز پاکستانی ٹیم کا ٹوٹل 3 وکٹ پر 336 تک پہنچادیا۔
ٹوئنٹی 20 سیریز میں ناکامی کے بعد پاکستان ٹیم نے آسٹریلیا کے دورے کے دوسرے حصے کا آغازکردیا، آسٹریلیا اے کے خلاف پرتھ میں سہ روزہ ٹور میچ کے پہلے روز گرین کیپس نے 3 وکٹ کے نقصان پر 336 رنزبنائے، یہ میچ ڈے اینڈ نائٹ فارمیٹ میں پنک گیند کے ساتھ کھیلا جارہا ہے۔
تیسرے ہی اوور میں اوپننگ بیٹسمین شان مسعود کوچانس ملا جب سلپ میں موجود مارکس ہیرس نے ان کا کیچ ڈراپ کردیا، مایوس بولر مائیکل نیسیر تھے تاہم کوئنز لینڈ سے تعلق رکھنے والے پیسرکوزیادہ دیر تک انتظار نہیں کرنا پڑا، ساتویں اوور میں ان کی گیند پر مہمان کپتان اظہر علی کو ایل بی ڈبلیوقراردے دیا گیا، گیند واضح طور پر لیگ اسٹمپ کو ہٹ کرتی ہوئی دکھائی دے رہی تھی، انھوں نے 24 گیندوں کا سامنا کرتے ہوئے 2 چوکوں کی مدد سے 11 رنز بنائے۔
ریلی میریڈتھ نے گیند ملتے ہی کچھ جارحانہ بولنگ کی، ان کی بولنگ میں اسپیڈ تو تھی مگر زیادہ کنٹرول دکھائی نہیں دے رہا تھا، اس کے باوجود انھوں نے حارث سہیل کو عمدگی سے گھیرا جوکہ باہر جاتی ہوئی گیندکوایج پرآسٹریلیا اے کے کپتان الیکس کیری کے ہاتھوں میں سونپ بیٹھے۔
حارث نے 25 گیندوں کا سامنا کیا، جن میں سے 3 کوباؤنڈری کی سیر کراتے ہوئے 18 رنزاسکور کیے، مجموعی اسکور جب 60 ہوا تو میریڈتھ نے باؤنسر سے شان مسعود کا اعتماد ڈگمگایا، گیند ان کے گلوز یا پھر بیٹ کے ہینڈل سے لگ کر اچھلی جسے پوائنٹ سے بھاگ کرآنے والے سین ایبٹ نے دبوچ لیا۔
اس موقع پر وکٹ پر چوتھے نمبر پر بیٹنگ کیلیے آنے والے اسد شفیق اور پانچویں نمبر پر انٹری دینے والے بابر اعظم یکجا ہوئے۔ دونوں نے مشکل صورتحال میں پہلے ٹیم کو سنبھالا دیا اور پھر نرم پڑنے والے پنک گیند کا خوب فائدہ اٹھاتے ہوئے اسکور بورڈ کو متحرک کیا، انھوں نے پہلے لنچ، پھر چائے کے وقفے اور آخر میں اسٹمپس تک گیند کو گراؤنڈ کے چاروں جانب سیر کرائی، اس دوران انھوں نے فلڈ لائٹس آن ہونے اور میزبان سائیڈ کی جانب سے دوسری نئی گیند لیے جانے کی بھی پروا نہیں کی اوررنز بنانے کا سلسلہ جاری رکھا۔
دونوں نے اپنی چوتھی وکٹ کی شراکت میں دن کے اختتام تک مجموعی طور پر37 باؤنڈریز جڑیں، جن میں سے 24 بار گیند بابر اعظم کے بیٹ کی ضرب سے باؤنڈری کے پار گئی۔ جب پہلے دن کے کھیل کا اختتام ہوا تو پاکستان کا اسکور 3 وکٹ پر 336 تھا، بابراعظم 157 اور اسد شفیق 119 رنز پر بیٹنگ کررہے تھے۔ ریلی میریڈتھ نے 2 وکٹیں لیں جبکہ مائیکل نیسیر نے ایک کھلاڑی کو آؤٹ کیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔