بدین میں پاک فوج کا نہر پر فوری پل بنانے کا اعلان

نمائندہ خصوصی  اتوار 8 دسمبر 2019
لکڑی کے کمزور پل سے طلبہ کے گزرنے کی ایکسپریس کا خبر پر نوٹس

لکڑی کے کمزور پل سے طلبہ کے گزرنے کی ایکسپریس کا خبر پر نوٹس

بدین: گوٹھ سونو سیال کے قریب بہنے والی نہر پر پل نہ ہونے کے باعث بچوں کو اسکول جانے کے لیے لکڑی کے بنے کمزور پل پر سے گزرنے کی خبر روزنامہ ایکسپریس میں شائع ہونے اور ایکسپریس نیوز میں نشر ہونے پر پاک فوج نے نوٹس لے لیا اور فوری طور پر مذکورہ مقام پر پل کی تعمیر کا اعلان کر دیا۔

پاک آرمی کی ٹیم گوٹھ سونو سیال پہنچ گئی ۔ جوانوں نے اسکول کے بچوں کی نہر پار کرنے میں مدد بھی کی۔ میجر آصف علی نے کہا کہ بچوں کو اسکول جانے کے لیے خطرناک مرحلے سے گزرنا پڑتا ہے۔

پاک فوج جلد یہاں نہر پر پل تعمیر کر کے بچوں اور مقامی دیہات کے باشندوں کو محفوظ راستہ فراہم کرے گی۔ اس موقع پر گاؤں کے افراد نے پاک فوج زندہ باد کے نعرے بھی لگائے اور دیرنیہ مسئلے کے حل کی یقین دھانی پر دلی مسرت کا اظہارکیا۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔