- ڈکیتی کے ملزمان سے رشوت لینے کا معاملہ؛ ایس ایچ او، چوکی انچارج گرفتار
- کراچی؛ ڈاکو دکاندار سے ایک کروڑ روپے نقد اور موبائل فونز چھین کر فرار
- پنجاب پولیس کا امریکا میں مقیم شہباز گِل کیخلاف کارروائی کا فیصلہ
- سنہری درانتی سے گندم کی فصل کی کٹائی؛ مریم نواز پر کڑی تنقید
- نیویارک ٹائمز کی اپنے صحافیوں کو الفاظ ’نسل کشی‘،’فلسطین‘ استعمال نہ کرنے کی ہدایت
- پنجاب کے مختلف شہروں میں ضمنی انتخابات؛ دفعہ 144 کا نفاذ
- آرمی چیف سے ترکیہ کے چیف آف جنرل اسٹاف کی ملاقات، دفاعی تعاون پر تبادلہ خیال
- مینڈھے کی ٹکر سے معمر میاں بیوی ہلاک
- جسٹس اشتیاق ابراہیم چیف جسٹس پشاور ہائی کورٹ تعینات
- فلاح جناح کی اسلام آباد سے مسقط کیلئے پرواز کا آغاز 10 مئی کو ہوگا
- برف پگھلنا شروع؛ امریکی وزیر خارجہ 4 روزہ دورے پر چین جائیں گے
- کاہنہ ہسپتال کے باہر نرس پر چھری سے حملہ
- پاکستان اور نیوزی لینڈ کا پہلا ٹی ٹوئنٹی بارش کی نذر ہوگیا
- نو منتخب امیر جماعت اسلامی حافظ نعیم نے اپنے عہدے کا حلف اٹھا لیا
- تعصبات کے باوجود بالی وڈ میں باصلاحیت فنکار کو کام ملتا ہے، ودیا بالن
- اقوام متحدہ میں فلسطین کی مستقل رکنیت؛ امریکا ووٹنگ رکوانے کیلیے سرگرم
- راولپنڈی میں گردوں کی غیر قانونی پیوندکاری میں ملوث گینگ کا سرغنہ گرفتار
- درخشاں تھانے میں ملزم کی ہلاکت؛ انکوائری رپورٹ میں سابق ایس پی کلفٹن قصور وار قرار
- شبلی فراز سینیٹ میں قائد حزب اختلاف نامزد
- جامعہ کراچی ایرانی صدر کو پی ایچ ڈی کی اعزازی سند دے گی
ٹیسٹ کرکٹ کی واپسی پر گرین کیپس پُرجوش
لاہور: 10 سال کے طویل عرصہ کے بعد پاکستان میں ٹیسٹ کرکٹ کی واپسی نے گرین کیپس کو پُرجوش بنادیا، شاہینوں کی راولپنڈی میں آمد ہوگئی، باقاعدہ ٹریننگ کا آغاز آج کرے گی۔
10سال کے طویل عرصے کے بعد پاکستان میں ٹیسٹ کرکٹ دوبارہ بحال ہونے جا رہی ہے جس کے لیے پاکستان کرکٹ بورڈ کی تیاریاں عروج پر ہیں، 3 مارچ 2003کو لاہور ٹیسٹ کے دوران بعض شدت پسندوں نے سری لنکن کرکٹ ٹیم کی بس پر حملہ کیا جس میں کپتان مہیلا جے وردنے سمیت دوسرے پلیئرز بھی زخمی ہوئے، اس صورتحال کے بعد کسی بھی غیر ملکی ٹیم نے پاکستان میں کھیلنے سے انکارکردیا۔
سری لنکا کی ٹیم 2 ٹیسٹ میچزکی سیریزمیں حصہ لینے کے لیے پاکستان پہنچ گئی ہے تاہم سری لنکن ٹیم کے لیے بری خبر یہ ہے کہ فاسٹ بولرسورنگا لکمل ڈینگی بخار میں مبتلا ہونے کے باعث پاکستان نہیں آرہے، سورنگا لکمل کی جگہ سیتھا فرنانڈو کو ٹیم میں شامل کرنے کا فیصلہ کیا گیا ہے، ادھر پاکستانی ٹیم راولپنڈی پہنچ گئی اور پیر کی دوپہر پنڈی اسٹیڈیم میں ٹریننگ کا باقاعدہ آغاز کرے گی، پاکستان اور سری لنکا کے درمیان پہلا ٹیسٹ میچ 11 سے 15 دسمبر تک پنڈی کرکٹ اسٹیڈیم راولپنڈی میں کھیلا جائے گا۔
دوسری جانب پاکستان اور سری لنکا کے درمیان ابتدائی ٹیسٹ کی ٹکٹوں کی آن لائن فروخت کا سلسلہ بھی شروع ہو چکا ہے، سیریز کے لیے ٹکٹوں کی مالیت صرف پچاس روپے مقرر کی گئی ہے، پہلے ٹیسٹ میچ کے لیے راولپنڈی میں ٹی سی ایس کے مراکز سے بھی ٹکٹیں 7 دسمبر سے دستیاب ہیں، روزانہ کی بنیاد پر بڑی تعداد میں کالجز اوراسکولز کو بھی ٹکٹس دیے جانے کا پلان ہے۔
اس بار شائقین کو ایک شناختی کارڈ پر 10 ٹکٹس خریدنے کی سہولت فراہم کی گئی ہے۔ ادھر پاکستان کرکٹ بورڈ نے سری لنکا کے سابق کپتان بندولا ورنا پورا اور قومی ٹیسٹ کرکٹ ٹیم کے سابق کپتان جاوید میانداد کو بطور مہمان خصوصی راولپنڈی ٹیسٹ میں شرکت کی دعوت دی ہے۔پاکستان کرکٹ بورڈ نے یہ فیصلہ دونوں سابق کپتانوں کی کرکٹ کے لیے خدمات کو پیش نظر رکھتے ہوئے کیا ہے، ٹیسٹ کرکٹ کی تاریخ میں پاکستان اور سری لنکا کے درمیان پہلا میچ مارچ 1982 میں نیشنل اسٹیڈیم کراچی میں کھیلا گیا۔
میچ میں پاکستان کرکٹ ٹیم کی قیادت جاوید میانداد اور سری لنکا کرکٹ ٹیم کی قیادت بندولا ورناپورا نے کی تھی، میچ میں پاکستان نے 204 رنز سے کامیابی حاصل کی تھی۔ میزبان ٹیم نے پہلی اننگز میں 396 اوردوسری اننگز میں 4وکٹوں کے نقصان پر 301 رنز بناکر اننگز ڈیکلیئرڈکردی تھی۔ مہمان ٹیم پہلی اننگز میں 344 اور دوسری اننگز میں 149 رنزبناکر آؤٹ ہوگئی تھی۔جاوید میانداد اور بندولا ورنا پورا دونوں ممالک کی ٹیموں کے درمیان 11 دسمبر سے شروع ہونے والے ٹیسٹ میچ سے قبل 10 دسمبر کو سیریز کی ٹرافی کے فوٹو شوٹ میں شرکت کریں گے۔
پنڈی کرکٹ اسٹیڈیم میں شیڈول میچ کے پہلے روز کھانے کے وقفے کے دوران دونوں سابق کرکٹرزکی خدمات کے اعتراف میں خصوصی تقریب کا اہتمام کیا جائے گا۔اس حوالے سے چیئرمین پی سی بی احسان مانی کا کہنا ہے کہ پاکستان کرکٹ بورڈ کا دعوت نامہ قبول کرنے پر وہ دونوں سابق کپتانوں کے مشکور ہیں جو اپنے مصروف شیڈول میں سے وقت نکال کر پنڈی کرکٹ اسٹیڈیم راولپنڈی آرہے ہیں۔ انھوں نے کہا کہ یہ پاکستان کرکٹ اور اس کے مداحوں کے لیے ایک اچھی خبر ہے۔
احسان مانی نے کہا کہ 11دسمبر قومی کرکٹ کی تاریخ میں ایک اہم دن ہے اور وہ جاوید میانداد اور بندولا ورنا پورا کے ساتھ مل کر اس کا جشن منائیں گے۔ انھوں نے کہا کہ یہ وہ آئیکونز ہیں جن کی کرکٹ کے لیے خدمات کا کوئی ثانی نہیں۔ چیئرمین پی سی بی نے کہاکہ پاکستان کرکٹ بورڈسابق کرکٹرز کی خدمات کا معترف ہے اور یہ اس کی ایک مثال ہے، انھوں نے کہا کہ پی سی بی سابق کرکٹرز کی خدمات کا اعتراف کرتے ہوئے ایسے اقدامات اٹھاتا رہے گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔