سرگودھا کے قریب ٹرین اور ڈمپر میں تصادم ، اسسٹنٹ ڈرائیور جاں بحق

ویب ڈیسک  پير 9 دسمبر 2019
ڈمپر کا ڈرائیور اور پھاٹک مین موقع سے فرار ہوگیا فوٹو: ایکسپریس

ڈمپر کا ڈرائیور اور پھاٹک مین موقع سے فرار ہوگیا فوٹو: ایکسپریس

سرگودھا: نشتر آباد اسٹیشن کے قریب ماڑی انڈس ٹرین اور ڈمپر میں تصادم کے نتیجے میں ٹرین کا اسسٹنٹ ڈرائیور جاں بحق ہوگیا۔

ایکسپریس نیوز کے مطابق سرگودھا سے لاہور جانے والی ماڑی انڈس ٹرین نشتر آباد اسٹیشن کے قریب پھاٹک کراس کرتے ہوئے بجری سے بھرے ہوئے ڈمپر سے جا ٹکرائی۔ حادثے کے باعث ٹرین کا انجن پٹڑی سے اتر گیا اور ٹرین کا اسسٹنٹ ڈرائیور موقع پر ہی جاں بحق ہوگیا۔

پولیس کے مطابق پھاٹک کے گیٹ کھلے ہونے کے باعث حادثہ پیش آیا، ٹرین کے جاں بحق اسسٹنٹ ڈرائیور کی شناخت وسیم ارشاد کے نام سے ہوئی ہے، ڈمپر کا ڈرائیور اور پھاٹک مین موقع سے فرار ہوگئے ہیں، جن کی تلاش شروع کردی گئی ہے۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔