- امریکا نے اقوام متحدہ میں فلسطین کی مستقل رکنیت کی قرارداد ویٹو کردی
- وزیراعظم کا اسمگلنگ کے خاتمے کے لیے ملک گیر مہم تیز کرنے کا حکم
- جی-7 وزرائے خارجہ کا اجلاس؛ غزہ میں جنگ بندی کا مطالبہ
- پنڈی اسٹیڈیم میں بارش؛ بھارت نے چیمپیئنز ٹرافی کی میزبانی پر سوال اٹھادیا
- اس سال ہم بھی حج کی نگرانی کرینگے شکایت ملی تو حکام کو نہیں چھوڑیں گے، اسلام آباد ہائیکورٹ
- بشریٰ بی بی کو کھانے میں ٹائلٹ کلینر ملا کر دیا گیا، عمران خان
- عمران خان اور بشریٰ بی بی کی درخواستیں منظور، طبی معائنہ کروانے کا حکم
- حملے میں کوئی نقصان نہیں ہوا، تمام ڈرونز مار گرائے؛ ایران
- 25 برس مکمل، علیم ڈار دنیائے کرکٹ کے پہلے امپائر بن گئے
- قومی اسمبلی: جمشید دستی اور اقبال خان کے ایوان میں داخلے پر پابندی
- کراچی میں غیرملکیوں کی گاڑی پر حملہ، خودکش بمبار کی شناخت
- مولانا فضل الرحمٰن کو احتجاج کرنا ہے تو کے پی میں کریں ، بلاول بھٹو زرداری
- کراٹے کمبیٹ 45؛ شاہ زیب رند نے ’’بھارتی کپتان‘‘ کو تھپڑ دے مارا
- بلوچستان کابینہ کے 14 وزراء نے حلف اٹھا لیا
- کینیا؛ ہیلی کاپٹر حادثے میں آرمی چیف سمیت 10 افسران ہلاک
- قومی و صوبائی اسمبلی کی 21 نشستوں کیلیے ضمنی انتخابات21 اپریل کو ہوں گے
- انٹرنیٹ بندش کا اتنا نقصان نہیں ہوتا مگر واویلا مچا دیا جاتا ہے، وزیر مملکت
- پی ٹی آئی کی لیاقت باغ میں جلسہ کی درخواست مسترد
- پشاور میں صحت کارڈ پر دوائیں نہ ملنے کا معاملہ؛ 15 ڈاکٹرز معطل
- پہلا ٹی20؛ عماد کو پلئینگ الیون میں کیوں شامل نہیں کیا؟ سابق کرکٹرز کی تنقید
سرد ہواؤں سے سردی کی شدت میں اضافہ، ٹھنڈ کی لہر 3 دن جاری رہے گی
کراچی: کراچی میں منگل کو شمال مشرقی سمت سے چلنے والی تیز ہواؤں سے سردی کی شدت مزید بڑھ گئی، آج پارہ مزید گرنے کی توقع ہے جب کہ سردی کی موجودہ لہر مزید 3 دن برقرار رہے گی۔
کراچی میں شمال مشرقی سمت سے چلنے والی بلوچستان اور کوئٹہ کی40کلومیٹر فی گھنٹہ رفتار کی ہواؤں کے سبب سردی کی شدت مزید بڑھ گئی، منگل کو دن کے وقت بھی خنکی زیادہ رہی، تیز ہواؤں سے سردی کی شدت بڑھ گئی، آج بدھ کو بھی پارہ مزید گرنے کی توقع ہے، سردی کی موجودہ لہر مزید تین دن 20 دسمبرتک برقراررہ سکتی ہے۔
محکمہ موسمیات کے مطابق شہر میں بلوچستان اور کوئٹہ کی شمال مشرقی سمت سے چلنے والی سرد ہواؤں کا سلسلہ برقرارہے، منگل کو ہواؤں کی رفتار میں زیادہ شدت محسوس کی گئی، ہواؤں کی زیادہ سے زیادہ رفتار40کلومیٹرفی گھنٹہ رہی جس کی وجہ سے سردی اصل درجہ حرارت سے زیادہ محسوس کی گئی۔
محکمہ موسمیات کے مطابق منگل کو شہرکا کم سے کم درجہ حرارت 14ڈگری اور زیادہ سے زیادہ درجہ حرارت بھی کئی ڈگری کمی سے 24 ڈگری سینٹی گریڈ رہا، دن کے وقت ہوا میں نمی کاتناسب 25 فیصد اور صبح کے وقت 49 فیصد رہا۔
چیف میٹرولوجسٹ سردارسرفراز کے مطابق موجودہ سردی کی لہرگزشتہ دنوں ملک میں داخل ہونے والے سسٹم کا تسلسل ہے جس کے نتیجے میں کراچی میں4 ملی میٹر بارش بھی ریکارڈ ہوچکی ہے۔ موجودہ سردی کی لہر مزید 3 دن 20 دسمبر تک برقراررہ سکتی ہے جس کے بعد مجموعی درجہ حرارت میں معمولی اضافہ ہونے کی توقع ہے۔
محکمہ موسمیات کے مطابق آج (بدھ) کو شہر کا موسم خشک اور رات سرد رہنے کی توقع ہے، بدھ کو کم سے کم درجہ حرارت 14سے16ڈگری رہنے کا امکان ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔