اہم شخصیات کیخلاف نیب مقدمات دوبارہ کھلنے کا امکان

فصیح بخاری کی طرف سے تحقیقات کو بندکرنے سے متعلق تفصیلات بھی طلب فوٹو فائل

---

چیئرمین نیب قمر الزمان چوہدری نے نیب کے ایگزیکٹو بورڈ کا اہم اجلاس 7 نومبر کو طلب کرلیا۔

جس میں نیب کے پاس زیر تفتیش اہم مقدمات کی پیش رفت کا جائزہ لینے کے بعدمزید ریفرنس احتساب عدالتوں میں بھجوانے کا فیصلہ کیا جائے گا جبکہ نیب کے پراسیکیوشن ونگ کو مضبوط بنانے کے لیے لائحہ عمل کی منظوری دی جائے گی۔



نیب کے ذرائع کے مطابق چیئرمین نیب نے سابق چیئرمین نیب ایڈمرل فصیح بخاری کی طرف سے متعدد اہم شخصیات کے خلاف تحقیقات کو بند کرنے کے کیسز کی تفصیلات بھی طلب کرلی ہیں ان کا کیس ٹو کیس جائزہ لے کر ان کیسز کو دوبارہ کھولنے کیلیے فیصلے کیے جانے کا امکان ہے۔