محکمہ اینٹی کرپشن کا شہید بینظیرمیڈیکل یونیورسٹی لاڑکانہ پر چھاپہ

چھاپہ مار کارروائی میں سال 2017، 2018 اور سال 2019 ، 2018 کا متعلقہ ریکارڈ اور اہم دستاویزات کو تحویل میں لے لیا گیا۔ فوٹو: فائل

---

محکمہ اینٹی کرپشن نے شہید بینظیر بھٹو میڈیکل یونیورسٹی لاڑکانہ میں سی سی ٹی وی منصوبے کے فنڈز و بجٹ میں خوردبرد و ناجائز استعمال پر چھاپہ مار کارروائی کرتے ہوئے ریکارڈ تحویل میں لے لیا ہے۔

ذرائع سے ملنے والی اطلاعات پر ڈپٹی ڈائریکٹر اینٹی کرپشن و اسٹیبلشمنٹ لاڑکانہ ڈویڑن عابد شیخ کے احکامات پر سی او لاڑکانہ انسپکٹر امان اللہ راجپر سرکل آفیسر اینٹی کرپشن و اسٹیبلشمنٹ لاڑکانہ نے سول جج اور جوڈیشل مجسٹریٹ ون لاڑکانہ گرمک داس جہانی کی سربراہی میں شہید محترمہ بے نظیر بھٹو میڈیکل یونیورسٹی میں چھاپہ مار کارروائی کرتے ہوئے سال 2017، 2018 اور سال 2019 ، 2018 کا متعلقہ ریکارڈ اور اہم دستاویزات کو تحویل میں لے لیا ہے۔