احمد شہزاد کی حمایت کے لیے کیون پیٹرسن میدان میں آگئے

عباس رضا  جمعـء 17 جنوری 2020
احمد شہزاد کا ریکارڈ ٹیم میں ان پر ترجیح پانے والے کھلاڑی سے کہیں زیادہ بہتر ہے، کیون پیٹرسن

احمد شہزاد کا ریکارڈ ٹیم میں ان پر ترجیح پانے والے کھلاڑی سے کہیں زیادہ بہتر ہے، کیون پیٹرسن

سابق انگلش کرکٹر کیون پیٹرسن پاکستانی اوپنر احمد شہزاد کی حمایت کے لیے میدان میں آگئے۔

سماجی رابطوں کی سائٹ پر کیون پیٹرسن نے کہا کہ ابھی بنگلا دیش کے خلاف ٹی ٹوئنٹی سیریز کے لیے پاکستان کا منتخب اسکواڈ دیکھا ہے، کوئی دنیا میں ایسی انہونی کیسے کرسکتا ہے کہ اوپنر کا انتخاب نہ کرے، احمد شہزاد کی پی ایس ایل اور ڈومیسٹک کرکٹ میں کارکردگی کا ریکارڈ ٹیم میں ان پر ترجیح پانے والے کھلاڑی سے کہیں زیادہ بہتر ہے۔

احمد شہزاد نے کیون پیٹرسن کو جواب دیتے ہوئے کہا کہ خیال رکھنے پر آپ کا شکریہ ادا کرتا ہوں، ہوسکتا ہے کہ اس میں اللہ کی طرف سے کوئی بہتری ہو۔

واضح رہے کہ بنگلا دیش کے خلاف لاہور میں کھیلی جانے والی ٹی ٹوئنٹی سیریز کے لیے سلیکٹرز نے فخر زمان اور امام الحق کو ڈراپ کرکے کسی تجربہ کار اوپنر کو شامل کرنے کے بجائے ڈیبیو کے منتظر احسان علی کو ترجیح دی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔